• თუშეთის მოსახლეობამ ხიდის აშენების მოთხოვნით ახმეტის საკრებულოში პეტიცია შეიტანა

    პარასკევი, 13 იანვარი 2017 11:49 view 3507
    თუშეთის მოსახლეობამ ხიდის აშენების მოთხოვნით ახმეტის საკრებულოში პეტიცია შეიტანა

    სოფლების - ზემო და ქვემო ალვანის მოსახლეობამ თუშეთში, გომეწრის ხეობაში, მდინარე ალაზანზე ხიდის აშენების მოთხოვნით, 2017 წლის 12 იანვარს ახმეტის საკრებულოში პეტიცია წარადგინა. პეტიციას 330 ამომრჩეველი აწერს ხელს.

    პეტიციაში აღნიშნულია, რომ თუშეთში, სოფელ ალისგორიდან წაროსკენ მიმავალი გზა გადის ე.წ. „გომეწრის ალაზანზე“, რომელიც თითქმის მთელი წლის განმავლობაში ადიდებულია და გავლა ნებისმიერი ავტოტრანსპორტით შეუძლებელია. უგზოობის პრობლემა ქმნის გადაულახავ დაბრკოლებებს ადგილობრივი მოსახლეობისა და ჩამოსული ვიზიტორებისათვის. დაახლოებით 5-6 თვის განმავლობაში 7 სოფელი მთლიანად მოწყვეტილია გარესამყაროს, ეს კი ხელს უშლის როგორც მაღალმთიანი თუშეთის სოფლების აღორძინებას, ისე ტურიზმის განვითარებას.

    პეტიციაზე ხელმომწერი პირები მიუთითებენ, რომ მდინარის აღნიშნულ მონაკვეთზე კაპიტალური ხიდის მოწყობა თუშეთისთვის სასიცოცხლოდ მნიშვნელოვანი საკითხია. ამასთან, აუცილებელია, რომ ეს ხიდი იყოს სულ მცირე 6-7 ტონის ტვირთმედეგობისა.

    ახმეტის საკრებულოში პეტიცია სოფელ ზემო ალვანში მცხოვრებმა ალექსი არინდაულმა და ბესიკ ყიზილაშვილმა წარადგინეს, რომლებიც საკრებულოს სხდომაზე პეტიციის განხილვას მომხსენებლის სტატუსით დაესწრებიან.

    საკრებულოს აპარატმა წარდგენილი პეტიცია 3 სამუშაო დღის ვადაში უნდა დაარეგისტრიროს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]