• ავტომობილის მართვის თეორიული და პრაქტიკული კურსი;
• კომპიუტერული საოფისე პროგრამების კურსი – Windows; Word; Excel; Internet, Power Point;
• ბუღალტრული აღრიცხვის თეორია და პრაქტიკა საერთაშორისო სტანდარტებით;
• ბუღალტრული აღრიცხვის კომპიუტერული პროგრამა – ORIS ბუღალტერია;

სწავლა უფასოა! ბუღალტერთა მომზადების კურსის მონაწილეები უფასოდ მიიღებენ ლიტერატურასაც; უფასოა ავტომობილის მართვის პრაქტიკული კურსის ფარგლებში მეცადინეობებიც.

კურსის განმავლობაში ჩატარდება შუალედური და შემაჯამებელი ტესტირება. კურსის დასრულების შემდეგ, გამოცდის წარმატებით ჩაბარების შემთხვევაში, მონაწილეები მიიღებენ სერტიფიკატს და რეკომენდაციას.

მიმდინარეობს მსურველთა რეგისტრაცია 25 მარტის ჩათვლით. მონაწილეთა რაოდენობა შეზღუდულია.

რეგისტრაციისთვის 09–დან 18:00 საათამდე დარეკეთ: 596 16 10 00 ან 16100 და ოპერატორი შეავსებს ანკეტას.

მონაწილეები ანკეტაში მოცემული ინფორმაციის და გასაუბრების შედეგების მიხედვით შეირჩევიან. უპირატესობა მიენიჭებათ 16–დან 40 წლამდე ახალგაზრდებს, რომლებსაც აქვთ პრაქტიკული უნარ–ჩვევების შეძენის ან გაღრმავებისა და დასაქმების სურვილი; ქალებს; ინდივიდუალურ და მცირე მეწარმეებს, რომლებიც ეწევიან ბიზნესსაქმიანობას.

სამოქალაქო აქტივობების ცენტრი პანკისის ხეობაში ახალგაზრდების დასაქმების ხელშეწყობის პროექტს საქართველოს პრეზიდენტის ადმინისტრაციის მხარდაჭერით ახორციელებს.