კონკურსის მიზანია საქართველოს კულტურული მრავალფეროვნების წარმოჩენა-პოპულარიზაცია და ქვეყნის კულტურულ ცხოვრებაში ეთნიკურ უმცირესობათა ჩართულობის ამაღლება.

პროექტების წარდგენის ბოლო ვადაა 2017 წლის 30 მარტი.

კონკურსში მონაწილეობის მიღება შეუძლია მხოლოდ ორგანიზაციას. სამინისტროს განცხადებით, პრიორიტეტი მიენიჭება იმ პროექტებს, რომლებსაც აქვთ თანადაფინანსება ან/და წარმოაჩენენ ეთნიკური უმცირესობათა ახალგაზრდა თაობას. კონკურსში გამარჯვებული პროექტი 2017 წლის ბოლომდე უნდა განხორციელდეს.

საკონკურსოდ წარდგენილ პროექტებს კულტურის სამინისტრო 3 აპრილს განიხილავს, 6 აპრილს კი შედეგები გასაჯაროვდება.

კონსულტაციები გაიმართება ყოველ ოთხშაბათს, 14:00 საათიდან 18:00 საათამდე, საქართველოს კულტურისა და ძეგლთა დაცვის სამინისტროს ხელოვნებისა და განათლების დეპარტამენტში.

იხილეთ დეტალური ინფორმაცია