• weather cur horoscope

    ეთნიკური უმცირესობების წარმომადგენელი სტუდენტებისთვის სტაჟირების პროგრამა იწყება

    კვირა, 26 მარტი 2017 10:34 view 3094
    ეთნიკური უმცირესობების წარმომადგენელი სტუდენტებისთვის სტაჟირების პროგრამა იწყება

    საქართველოში მცხოვრები ეთნიკური უმცირესობების წარმომადგენლებისთვის სტაჟირების საპილოტე პროგრამა განხორციელდება, რომლის ფარგლებშიც სტუდენტები სამთვიან სტაჟირებას გაივლიან სახელმწიფო უწყებებში, ადგილობრივი თვითმმართველობის ორგანოებსა და საჯარო სამართლის იურიდიულ პირებში.

    სტაჟირების პროგრამას შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი, საქართველოს გაეროს ასოციაციასთან თანამშრომლობით ახორციელებს. პროგრამის მიზანია საქართველოში მცხოვრები ეთნიკური უმცირესობების წარმომადგენლების დასაქმების პერსპექტივის გაუმჯობესება, მათი ჩართულობისა და სამოქალაქო ინტეგრაციის პროცესის ხელშეწყობა.

    „ეს პროგრამა შესანიშნავი შესაძლებლობაა ახალგაზრდებისთვის საკუთარი თავის გამოსავლენად და პროფესიული უნარ-ჩვევების გასავითარებლად. ეს არის ძალიან მნიშვნელოვანი ნაბიჯი გადადგმული იმ მიმართულებით, რომ გაიზარდოს ამ ნიჭიერი ახალგაზრდების ჩართულობა ქვეყნის ცხოვრების ყველა სფეროში მიუხედავად მათი ეთნიკური კუთვნილებისა და მათ საკუთარ სამშობლოში, საქართველოში შეძლონ საკუთარი თავის რეალიზება“ , - განაცხადა შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა.

    სტაჟირების პროგრამაში მონაწილეობა შეუძლია სტუდენტს, რომელსაც გავლილი აქვს „ქართულ ენაში მომზადების საგანმანათლებლო პროგრამაში“ (1+4 პროგრამა) და არის ბაკალავრიატის მესამე/მეოთხე კურსის სტუდენტი/კურსდამთავრებული ან მაგისტრატურის სტუდენტი/კურსდამთავრებული.

    სტაჟირების პროგრამაში მონაწილეობისთვის საჭიროა ელექტრონული განაცხადის ფორმის შევსება და მოთხოვნილი დოკუმენტაციის წარდგენა.

    კონკურსში მონაწილეობის ბოლო ვადაა 2017 წლის 10 აპრილი.

    სტაჟირების პროგრამის შესახებ იხილეთ დეტალური ინფორმაცია.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ფესტივალი «Art-გენი» 16 ივნისს ახმეტიდან დაიწყება

    ქართული ფოლკლორისა და თვითშემოქმედების ყოველწლიური ფესტივალი „Art-გენი“ წელს ახმეტიდან დაიწყება.…

    თემირლან მაჩალიკაშვილის ოჯახმა სტრასბურგის სასამართლოს მიმართა

    ადამიანის უფლებების სწავლებისა და მონიტორინგის ცენტრმა (EMC) მაჩალიკაშვილების ოჯახის სახელით,…

    პანკისში „ქართული ოცნების“ კანდიდატმა როსტომ ალხანაშვილმა ხმების 96.49% მიიღო

    ხალაწნის თემიდან ახმეტის მუნიციპალიტეტის საკრებულოს მაჟორიტარ დეპუტატად „ქართული ოცნების“ კანდიდატი…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]