განაცხადი თამაზ წითელაურისთვის უნდობლობის გამოცხადების შესახებ საკრებულოს წევრებმა ნინო ბურჯანაძის პარტიიდან - „გაერთიანებული დემოკრატიული მოძრაობა“ და „ერთიანი ნაციონალური მოძრაობიდან“ დღეს დილით წარადგინეს. იმპიჩმენტის ინიციატორები ძირითად მიზეზად საკრებულოს თავმჯდომარის მოადგილის არაკვალიფიციურობას ასახელებენ.

საკრებულოს სხდომას 30-ვე წევრი ესწრებოდა, აქედან იმპიჩმენტს მხარი მხოლოდ 10-მა დაუჭირა, 1 წინააღმდეგი იყო, 2 ბიულეტენი ბათილად ჩაითვალა, ხოლო დანარჩენმა დეპუტატებმა კენჭისყრაში მონაწილეობა საერთოდ არ მიიღეს. „ადგილობრივი თვითმმართველობის კოდექსის“ თანახმად, საკრებულოს თანამდებობის პირების იმპიჩმენტისთვის სულ მცირე 16 ხმაა საჭირო.

2016 წლის განმავლობაში ახმეტის საკრებულოს წევრთა ნაწილმა ორჯერ დააყენა თამაზ წითელაურის თანამდებობიდან გადაყენების საკითხი - 3 მაისს და 5 დეკემბერს, თუმცა გადაწყვეტილების მისაღებად საჭირო ხმების რაოდენობა ვერცერთ შემთხვევაში ვერ მოგროვდა.