2953
3 მაისს, 11:00 საათზე, ენერგეტიკის მინისტრი კახა კალაძე, შპს „საქართველოს გაზის ტრანსპორტირების კომპანიის“ გენერალური დირექტორი ირაკლი ბენდელიანი, „სოკარ ჯორჯია გაზი“-ის და ადგილობრივი ხელისუფლების წარმომადგენლები, პანკისის ხეობაში, სოფელ საკობიანოში ახლადაშენებულ გაზგამანაწილებელ ქსელს დაათვალიერებენ.
საქართველოს მთავრობამ პროექტი, რომელიც 20-ზე მეტი მუნიციპალიტეტის 60-ზე მეტი სოფლის გაზიფიცირებას ითვალისწინებს, გასული წლის თებერვალში დაამტკიცა. სამუშაოების ჩასატარებლად 2016 წლის ბიუჯეტიდან 20 მილიონი ლარი გამოიყო.
პანკისის ისტორიაში პირველად ხეობის გაზიფიცირების სამუშაოები 2016 წლის მაისში დაიწყო. ბუნებრივი აირი ხეობის 18-ვე სოფელში შეიყვანეს. როგორც ადგილობრივები ამბობენ, ეს მათ დანახარჯებს მნიშვნელოვნად შეამცირებს. პანკისში შეშით თბებოდნენ და თხევადი გაზის ბალონებს იყენებდნენ.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
