• weather cur horoscope

    სირიაში კიდევ ერთი პანკისელი 39 წლის ომარ მარგოშვილი დაიღუპა

    ოთხშაბათი, 29 ივნისი 2016 13:58 view 2998
    სირიაში კიდევ ერთი პანკისელი 39 წლის ომარ მარგოშვილი დაიღუპა

    სირიაში, საბრძოლო მოქმედებების დროს, პანკისის ხეობის სოფელ დუისში მცხოვრები, 39 წლის ომარ მარგოშვილი დაიღუპა. მარგოშვილი ე.წ „ისლამური სახელმწიფოს“ წევრი იყო და ახმედ ჩატაევის დაჯგუფება „იარმუკში“ იბრძოდა. ომარ მარგოშვილი საქართველოდან თურქეთში 2015 წელს წავიდა, საიდანაც სირიაში გადავიდა. მას პანკისში ორი ოჯახი ჰყავს. ომარ მარგოშვილს ერთ ცოლთან 7, მეორესთან კი 3 შვილი დარჩა.

    „ყველამ ვიცოდით რომ სირიაში იყო, თურქეთშიც იმ მიზნით წავიდა, რომ სირიაში გადასულიყო. თავიდანვე მათი მიმდევარი იყო. ოჯახმა სცადა დაეყოლიებინა, რომ არ წასულიყო, მაგრამ თქვა, არ გავჩერდებიო“, - განუცხადა კახეთის საინფორმაციო ცენტრს გარდაცვლილის ნათესავმა თამარ მარგოშვილმა.

    სირიაში პანკისის ხეობის მკვიდრის დაღუპვის შესახებ გუშინაც გავრცელდა ინფორმაცია. პანკისის სათემო რადიო WAY-ს ცნობით, სოფელ დუმასტურში მცხოვრები 22 წლის ასლანბეგ ბორჩაშვილი საბრძოლო მოქმედებების დროს დაიღუპა. ასლანბეგ ბორჩაშვილიც თურქეთში 2015 წელს წავიდა, შემდეგ კი სირიაში გადავიდა. საქართველოდან წასვლამდე ასლანბეგ ბორჩაშვილი თელავის სახელმწიფო უნივერსიტეტში ინფორმაციული ტექნოლოგიების სპეციალობის მესამე კურსზე სწავლობდა.

    სირიაში, საბრძოლო მოქმედებებში უკვე 17 პანკისელი დაიღუპა.

    39 წლის ომარ მარგოშვილი

    22 წლის ასლანბეგ ბორჩაშვილი;

    39 წლის ვახა ბუგიევი;

    24 წლის რამზან ფარეულიძე;

    22 წლის მუხმად თურქოშვილი;

    23 წლის თურფალ ბორჩაშვილი;

    33 წლის იბრაჰიმ ცათიაშვილი;

    24 წლის დავით სვიაკაური;

    18 წლის ისრაფილ ცათიაშვილი;

    21 წლის ჯაბრაილ ცათიაშვილი;

    22 წლის გურამ გუმაშვილი;

    18 წლის ბესო კუშტანაშვილი;

    36 წლის რუსლან მაჩალიკაშვილი;

    24 წლის ხალიდ აჭიშვილი;

    26 წლის ჰამზათ აჭიშვილი;

    40 წლის აბდულ-მალიქ მუთოშვილი;

    23 წლის რუსტამ გელაევი;

    არსებული ინფორმაციით, პანკისის ხეობიდან სირიაში 50–მდე ახალგაზრდა იბრძვის ე.წ. „ისლამური სახელმწიფოს“ მხარეს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ახალი ზელანდიელი მეგობრები პანკისში სოციალურად დაუცველ 85 ოჯახს დაეხმარნენ

    „ზაქათი“ - ასე ჰქვია სასურსათო პაკეტების დარიგების პროგრამას პანკისის ხეობაში,…

    მორის მაჩალიკაშვილი დამნაშავედ ცნეს და პატიმრობიდან გაათავისუფლეს

    თბილისის საქალაქო სასამართლომ მალხაზ მაჩალიკაშვილის ძმისშვილი მორის მაჩალიკაშვილი პატიმრობიდან გაათავისუფლა.…

    შსს პანკისში 200 თანამშრომელზე გათვლილ პოლიციის ახალ შენობას აშენებს

    შინაგან საქმეთა სამინისტრო ახმეტის მუნიციპალიტეტში, პანკისის ხეობის სოფელ ძიბახევში, ზუსტად…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]