მოხალისეები ორგანიზაციას დაეხმარებიან შემდეგ სფეროებში:

• პანკისის სათემო რადიო WAY-ს კონტენტის წარმოება და განვითარება;
• ახალგაზრდების ჩართულობის ხელშეწყობა და მოხალისეობა;
• ტურიზმის განვითარების ხელშეწყობა;

მოხალისეები პანკისის ხეობაში მსახურობენ 3-დან 6 თვემდე ვადით ორგანიზაციის საჭიროებებისა და მოთხოვნის გათვალისწინებით.

პანკისის ხეობაში მოხალისეების ცხოვრებისა (საცხოვრებელი, კვება) და მგზავრობის ხარჯებს „სამოქალაქო აქტივობების ცენტრი“ დაფარავს.

მოხალისეობის მსურველებმა უნდა შეავსონ სპეციალური ანკეტა და გამოგზავნონ 2017 წლის 10 მაისამდე.

კითხვების შემთხვევაში მოგვმართეთ ელექტრონული ფოსტის შემდეგ მისამართზე: This email address is being protected from spambots. You need JavaScript enabled to view it.

ააიპ „სამოქალაქო აქტივობების ცენტრი“ (CCA) 2011 წლის 14 თებერვალს დაფუძნდა. ორგანიზაციის მიზნებია: რეგიონებში სამოქალაქო განათლების ხელშეწყობა; ახალგაზრდა აქტივისტებისა და ახალგაზრდული ინიციატივების მხარდაჭერა; ეთნიკური უმცირესობებისა და მარგინალიზებული ჯგუფების სამოქალაქო ინტეგრაციის ხელშეწყობა და ადვოკატირება; ქალების სოციალურ – ეკონომიკური გაძლიერება, განსაკუთრებით მაღალმთიან რეგიონებში ქალთა ინიციატივების მხარდაჭერა; გენდერული თანასწორობის ხელშეწყობა და სხვა.

სამოქალაქო აქტივობების ცენტრი პანკისის ხეობაში 2015 წლიდან მუშაობს. ორგანიზაციამ 2016 წელს დააფუძნა პანკისის სათემო რადიო WAY, რომელიც მაუწყებლობს FM 101.1 სიხშირეზე 24 საათის განმავლობაში. პანკისის ოფისის ბაზაზე ფუნქციონირებს სასწავლო ცენტრი და ახალგაზრდული კლუბი.