FIBA-ს ინფორმაციით, კალათბურთელის თავსაბურავი ან შავ-თეთრი უნდა იყოს, ან გუნდის ფორმის ფერს უნდა შეესაბამებოდეს. ჰიჯაბი სახეს არ უნდა ფარავდეს და სხვა მოთამაშეების დაზიანების საფრთხეს არ უნდა ქმნიდეს.

"ბი-ბი-სის" ინფორმაციით, ყატარის ქალთა ნაკრებმა 2014 წელს აზიურ თამაშებში მონაწილეობაზე უარი იმის გამო თქვა, რომ ჰიჯაბით ასპარეზობის ნება არ მისცეს. ამ წესის შეცვლის მოთხოვნით სოციალურ ქსელში კამპანია დაიწყო. ელექტრონულ პეტიციას 137 ათასზე მეტმა ადამიანმა მოაწერა ხელი.

აღსანიშნავია, რომ 2017 წლის დასაწყისში ფეხბურთის ასოციაციათა საერთაშორისო ფედერაციამ (FIFA) ქალებს მატჩებზე ჰიჯაბით თამაშის უფლება მისცა იმ შემთხვევაში, თუ ამას რელიგია მოითხოვს. ჰიჯაბი ნებადართულია მძლეოსნობაშიც.