მისივე თქმით, სიმართლეს არ შეესაბამება ხეობაში გავრცელებული ინფორმაცია, თითქოს დოღი ჩეჩნეთის პრეზიდენტის რამზან კადიროვის საპატივსაცემოდ იმართება. მათე ქავთარაშვილი უარყოფს ინფორმაციას იმის თაობაზეც, რომ საზეიმო ღონისძიებებთან დაკავშირებით რუსეთიდან სტუმრები არიან მოწვეულნი და მათ დოღში გამარჯვებულთათვის ფულადი ჯილდოები დააწესეს.

გამგებლის მოადგილის მტკიცებით, ღონისძიებების ორგანიზატორი მუნიციპალიტეტია და გამარჯვებულებს საჩუქრებსაც გამგეობა გადასცემს.

9 მაისს ყოფილი საბჭოთა კავშირის ქვეყნები 1941-1945 წლებში სამამულო ომში ნაცისტურ გერმანიაზე გამარჯვებას აღნიშნავენ. წელს 72–ე წლისთავი აღინიშნება. საქართველოს შრომის კოდექსით 9 მაისი უქმე დღეა. საქართველოს გარდა, 9 მაისი დასვენების დღედ არის გამოცხადებული აზერბაიჯანში, სომხეთში, ბელორუსში, ყაზახეთში, ყირგიზეთში, მოლდავეთში, რუსეთში, ტაჯიკეთში, თურქმენეთში, უზბეკეთსა და უკრაინაში. ფაშიზმზე გამარჯვების დღის ფართოდ აღნიშვნა საბჭოთა კავშირში სამამულო ომიდან 20 წლის შემდეგ, ბრეჟნევის ხელმძღვანელობის დროს დაიწყეს.

მეორე მსოფლიო ომმა 60 მილიონამდე ადამიანის სიცოცხლე იმსხვერპლა.