9533
ფოტო: დავით მძინარიშვილი
ამ დღეებში მუსლიმები რამადან ბაირამის, იგივე ფითირ ბაირამის დღესასწაულს აღნიშნავენ. რამადანი მუსლიმთა კალენდრის მიხედვით მეცხრე თვეა. გადმოცემის თანახმად, სწორედ ამ თვეში მიანიჭა ალაჰმა მუჰამედს შუამავლის, მოციქულისა და ყურანის გამავრცელებლის მისია.
პანკისის ხეობის სოფელ ომალოში ტრადიციული ისლამის მიმდევრებმა მეჩეთისკენ მსვლელობა დილის 8 საათზე დაიწყეს. ყოველ წელს ასე ბაირამის დღესასწაულს აღნიშნავენ.
რამადან ბაირამის დღესასწაულს წინ ერთთვიანი მარხვა უძღვის, როცა მორწმუნეები დღის განმავლობაში არც საკვებს იღებენ და არც წყალს სვამენ.
პანკისის სათემო რადიო WAY საქართველოში მცხოვრებ მუსლიმებს რამადან ბაირამის დღესასწაულს ულოცავს და მშვიდობასა და სიხარულს უსურვებს.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
