3737
პანკისის ხეობაში, მდინარე ალაზანზე სოფლების დუისისა და ქვემო ხალაწნის დამაკავშირებელი საფეხმავლო ხიდი მოეწყობა. ფოლადის კონსტრუქციის მოსაწყობად 164 819 ლარის დახარჯვა იგეგმება, საიდანაც 156 512 ლარი სახელმწიფო ბიუჯეტიდან გამოიყოფა, 8 306 ლარი კი ადგილობრივი ბიუჯეტის თანადაფინანსებაა. სამუშაოები 2018 წლის 7 დეკემბრამდე უნდა დასრულდეს.
საცალფეხო ხიდის მოწყობის სამუშაოების შესყიდვის მიზნით ახმეტის მუნიციპალიტეტის გამგეობის მიერ გამოცხადებულ ტენდერში კომპანია შპს Construction Service-მა გაიმარჯვა. ხელშეკრულების თანახმად, კომპანიას ორი წლის განმავლობაში ხიდზე წარმოქმნილი ყველა სახის დაზიანების აღმოფხვრის ვალდებულება ეკისრება.
სოფელი დუისი და ქვემო ხალაწანი ამ დროისთვის ერთმანეთს მოკლე საფეხმავლო გზით, ხის საცალფეხო ხიდით უკავშირდება, რომელიც გაუმართავია და მდინარის ადიდების დროს წყალს მიაქვს.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
