ამ პერიოდში ხარირემი არ მოძრაობს, ძირითადად ერთ ტერიტორიაზე დგას და „მყვირალობს“, პარტნიორს უხმობს.

მყვირალობა ხშირად დაბინდებიდან ან ადრე დილით იწყება და საათობით გრძელდება. ამ დროს ხარირემი აგრესიულია და ადამიანსაც ერჩის. იმ ადგილებში, სადაც ხარირემმა გაიარა, „ირმის“ სუნი დგას.

მაკეობა დაახლოებით 8 თვე გრძელდება. შობს ერთ ან იშვიათად 2 ნაშიერს. ირმის სიცოცხლის ხანგრძლივობა დაახლოებით 20 წელია.

ირემი შეტანილია საქართველოს წითელ წიგნში, როგორც იშვიათი სახეობა. მისი მდგომარეობა რეალურად შეესაბამება საფრთხის წინაშე მყოფ სახეობათა კატეგორიას.

ლაგოდეხის დაცულ ტერიტორიებზე ირმის მყვირალობისთვის ყველაზე მოთხოვნადი შავი კლდეების ტბის ბილიკია.