ჩემპიონატში ახმეტის მუნიციპალიტეტის IX-XI კლასების მოსწავლეები მონაწილეობდნენ. მეორე ადგილი 68 ქულით ქისტაურის  სკოლის XI კლასის მოსწავლე, ზაზა ზანქაიძემ დაიკავა, ხოლო მესამე ადგილზე თანაბარი 67 ქულით საკობიანოს სკოლის IX კლასელი მედეა ბალღიაშვილი და აწყურის სკოლის XI კლასის მოსწავლე ნათია ჭიჭიაშვილი არიან.

მარიამ მარგოშვილმა რადიო WAY-სთან საუბარში აღნიშნა, რომ ამ წარმატების შემდეგ საკუთარ შესაძლებლობებში უფრო მეტად იქნება დარწმუნებული.

"პირველ რიგში ეს არის სტიმულის მომცემი. გამარჯვებამ თავდაჯერებულობა შემმატა. არ ვიყავი საკუთარ თავში დარწმუნებული და მე რომ გამომაცხადეს, დავიბენი. პანკისის ხეობის მასშტაბით ჩატარებულ მსგავს შეჯიბრებებში ყოველთვის ვმონაწილეობდი და მომავალშიც აუცილებლად მივიღებ მონაწილეობას", - აღნიშნა მარიამ მარგოშვილმა.

"ეტალონი" 2017-2018 სასწავლო წელს "ეტალონ მოსწავლეებს" ყველა მუნიციპალიტეტში გამოავლენს. ისინი ავტომატურად ხდებიან საქართველოს ეროვნული ინტელექტ-ჩემპიონატის ფინალის მონაწილეები.