პანკისის ხეობაში სულ ხუთი საარჩევნო უბანია გახსნილი და 4 703 ამომრჩეველია რეგისტრირებული. აქედან სოფელ დუისის მე-5 საარჩვნო უბანზე რეგისტრირებულია 1038 ამომრჩეველი, ხოლო 26-ე საარჩევნო უბანზე -1 185.

სოფელ ჯოყოლოს 23-ე საარჩევნო უბანზე 1298 ამომრჩეველია რეგისტრირებული, ხალაწანის მე-8 საარჩევნო უბანზე - 381, ომალოს 24-ე საარჩევნო უბანზე - 801 ამომრჩეველი.

ცენტრალური საარჩევნო კომისიის ცნობით, ამომრჩეველთა აქტივობა 10:00 საათისთვის მთელი ქვეყნის მასშტაბით 6.74 % იყო, რაც ნიშნავს, რომ ხმა 231 736 ამომრჩეველმა მისცა.

რაც შეეხება ახმეტის მუნიციპალიტეტს, სულ რეგისტრირებულია 30 069 ამომრჩეველი, საიდანაც 10:00 საათზე საკუთარი არჩევანი 1 969 ამომრჩეველმა ანუ 5 %-მა პროცენტმა გააკეთა.