6232
ახმეტის რაიონის სოფელ ბირკიანში მცხოვრებმა 11 წლის ძიუდოისტმა, ირაკლი ქავთარაშვილმა საბერძნეთის დედაქალაქში გამართულ საერთაშორისო ტურნირში მიიღო მონაწილეობა და პირველი ადგილი მოიპოვა. 40 კილოგრამ წონით კატეგორიაში მან ხუთი ორთაბრძოლა ჩაატარა, ფინალში კი გერმანელი მეტოქე დაამარცხა.
საერთაშორისო ტურნირში ახმეტიდან სულ რვა სპორტსმენი - ორი გოგონა და ექვსი ბიჭი მონაწილეობდა. ირაკლი ქავთარაშვილთან ერთად ოქროს მედლის მფლობელი გახდა 12 წლის მათე ჩაფურიშვილი. გამარჯვებულებს მედლები, თასი და დიპლომები გადაეცათ.
ირაკლი ქავთარაშვილი სამი წელია ჭიდაობს და ახმეტის ზურაბ ზვიადაურის სახელობის ძიუდოს სპორტულ სკოლაში ვარჯიშობს. ის საქართველოში, სომხეთში, აზერბაიჯანში, ყაზახეთში, რუსეთსა და ისრაელში გამართული საერთაშორისო ტურნირების გამარჯვბულია.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
