• weather cur horoscope

    საპროტესტო აქცია მატანში – მოსახლეობა „ჯეოსელის“ ანძის დემონტაჟს ითხოვს [Video]

    ხუთშაბათი, 25 აგვისტო 2016 13:40 view 4509
    საპროტესტო აქცია მატანში – მოსახლეობა „ჯეოსელის“ ანძის დემონტაჟს ითხოვს [Video]

    ახმეტის რაიონის სოფელ მატანში ადგილობრივმა მცხოვრებლებმა კომპანია „ჯეოსელის“ ანძის დემონტაჟის მოთხოვნით, ახმეტა – პანკისის ცენტრალური ავტომაგისტრალი გადაკეტეს. აქციის  მონაწილეების თქმით, „ჯეოსელმა“ ანძა დასახლებულ პუნქტთან და საბავშვო ბაღთან ახლოს დადგა, რაც მოსახლეობის ჯანმრთელობისთვის საშიშია.

    „ორ ღამეში დადგეს ანძა, ისე რომ ვერ გავიგეთ. ერთი კვირის წინ, ანძის აღების და სხვაგან გადატანის მოთხოვნით გამაფრთხილებელი აქცია გავმართეთ. რაიონის გამგებელი დაგვპირდა, რომ ჩვენი მოთხოვნა დაკმაყოფილდებოდა, მაგრამ ანძა ისევ აქ დგას. მოვითხოვთ, რომ ეს ანძა სხვაგან გადაიტანონ, დასახლებული პუნქტიდან მოშორებით“, – აღნიშნა აქციის ერთ–ერთმა მონაწილემ რუსუდან ტერტერაშვილმა.

    აქციის მონაწილეებს საავტომობილო გზა დაახლოებით ნახევარი საათის განმავლობაში გადაკეტილი ჰქონდათ და ავტომობილებს არ ატარებდნენ. გზა პოლიციელების ჩარევის შემდეგ გაიხსნა. ადგილზე მობილიზებულები იყვნენ ახმეტის სამმართველოს და კახეთის პოლიციის დემარტამენტის ხელმძღვანელი პირებიც.

    „გამგეობამ „ჯეოსელს“ ალტერნატიული ადგილი შესთავაზა, მაგრამ მათ ანძის გადატანაზე უარი თქვეს. ისე კი წარმოდგენილი აქვთ ყველა დოკუმენტი, სადაც წერია რომ მოსახლეობის ჯანმრთელობისთვის უსაფრთხოა, მაგრამ ხალხი ამ დასკვნებს არ ენდობა და ალტერნატიულ ექსპერტიზას ითხოვს“, – უთხრა პანკისის სათემო რადიო WAY–ის ახმეტის მუნიციპალიტეტის საკრებულოში სოფელ მატანის მაჟორიტარმა დეპუტატმა გოჩა ქიტესაშვილმა.

    აქციის მონაწილეებს ახმეტის გამგებელი ბექა ბაიდაურიც შეხვდა. მისი თქმით, უკვე გამოსცა შესაბამისი ბრძანება, კომპანია „ჯეოსელის“ ანძის ექსპლუატაციის შეჩერების შესახებ, რაც იმას ნიშნავს, რომ კომპანია ანძას ვერ აამუშავებს.

    „თუ „ჯეოსელი“ მაინც არ გადაიტანს ანძას სხვა ადგილზე, სასამართლოს მეშვეობით მოხდება მისი აღება და დემონტაჟი“, – დაპირდა ახმეტის გამგებელი აქციის მონაწილეებს.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    იმამის მოწოდება ნარკოტიკებზე - ყველა წინ უნდა აღუდგეს ამ სენს

    „ეს მართლაც მტკივნეული პრობლემაა პანკისის ხეობაში. ვგულისხმობ ახალგაზრდობის ბევრი ნაწილის…

    მრავალფუნქციური სპორტული ცენტრი ჯოყოლოში და საზოგადოებრივი ტრანსპორტი ხეობაში

    სოფელ ჯოყოლოში მრავალფუნქციური სპორტული ცენტრის მშენებლობა და პანკისის ხეობის სოფლებიდან…

    სისხლის აღება და პატიება ქისტური სამართლის მიხედვით

    ქისტური სამართლის მიხედვით ადამიანის მკვლელობა მძიმე დანაშაულია. „მეერის“, შურისძიების ობიექტის…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]