ვაკანტურია შემდეგი პოზიციები: სამხედრო აღრიცხვის, გაწვევისა და მობილიზაციის სამსახურის მეორე კატეგორიის უფროსი სპეციალისტი; მერის წარმომადგენელი შახვეტილის, მატნის, საკობიანოს, დუისის, ჯოყოლოს, ხალაწნის, ქისტაურის, ზემო ალვნის, ქვემო ალვნის, თუშეთის, მაღრაანისდა ოჟიოს ადმინისტრაციულ ერთეულებში.

სამხედრო აღრიცხვის, გაწვევისა და მობილიზაციის სამსახურის მეორე კატეგორიის უფროსი სპეციალისტის თანამდებობრივი სარგო 650 ლარია, ხოლო მერის წარმომადგენლების სარგო 1100 ლარს შეადგენს.

კონკურსში მონაწილეთა შერჩევა სამ ეტაპად – განცხადების გადარჩევის, ზეპირი დავალების და გასაუბრების საფუძველზე მოხდება.

კონკურსში მონაწილეობის მსურველებს უმაღლესი განათლება, 1–დან 2 წლამდე სამუშაო გამოცდილება და კომპიუტერული პროგრამების ცოდნა მოეთხოვებათ. ისინი ასევე უნდა იცნობდნენ საქართველოს კონსტიტუციას; ევროპულ ქარტიას „ადგილობრივი თვითმმართველობის შესახებ“;ადგილობრივი თვითმმართველობის კოდექსს;კანონს „საჯარო სამსახურის შესახებ“ და ზოგად ადმინისტრაციულ კოდექსს.

დაინტერესებულმა პირებმა სამოტივაციო წერილი და მოთხოვნილი დოკუმენტები საჯარო სამსახურის ბიუროს ვებ-გვერდზე უნდა ატვირთონ.