LIVE
7247 
„რეგიონული და საერთო ეროვნული მედიის ჟურნალისტები ხშირად მხოლოდ ნეგატიურ ამბებს აშუქებდნენ. ამან ხეობის უარყოფითი იმიჯი კიდევ უფრო დაამძიმა. ბევრი დადებითი და პრობლემური საკითხი ყურადღების მიღმა რჩებოდა. სათემო რადიო ეცდება დადებითიც მოყვეს და ეს ნეგატიურიც არ დამალოს.
ჩვენი მოტივაცია და მიზანი არის ის, რომ ადგილობრივი ახალგაზრდები იყვნენ ჩართულები, ეს უნდა იყოს სახლი ნებისმიერი ახალგაზრდის ჯანსაღი აზრის გახმოვანებისთვის, უნდა იყოს მათი თავშეყრის, იდეების და პრობლემებზე მსჯელობის ადგილი. ხეობას ტრადიციებიდან გამომდინარე არ უყვარს საკუთარი პრობლემების წარმოჩენა, ადვოკატირება. სათემო რადიო იქნება ხელშემწყობი ფაქტორი, რომ ჩვენ გავიხსნათ გარესამყაროსთან, საზოგადოებასთან“, – აღნიშნავს შორენა ხანგოშვილი, პანკისის სათემო რადიო WAY-ის რედაქტორი.
„გუშინ ვიყავით ტბათანაზე და იქაც იჭერს. არაჩვეულებრივი გრძნობაა, როცა სადღაც, მთაში გესმის რადიო WAY–ის სიგნალი. გილოცავთ ყველას. ძალიან დიდი ამბავი და წარმატებაა ეს და მინდა, გისურვოთ, რაც შეიძლება მეტი ხალხი და მოხალისე მოიზიდოთ. მინდა რომ თქვენი მუხტი, ჟინი და პროფესიონალიზმი მეტ ახალგაზრდას გადაწვდეს ამ ხეობაში“, – განაცხადა ქეთი ბაქრაძემ, USAID GEORGIA–ს დემოკრატიისა და მმართველობის ოფისის უფროსმა მრჩეველმა სამოქალაქო საზოგადოების და მედიის საკითხებში.
პირველი გადაცემა, რომელსაც პანკისის სათემო რადიოს გუნდი მოამზადებს „ჩემი უფლებებია“. პროექტი საქართველოში ამერიკის შეერთებული შტატების საელჩომ დააფინანსა და მისი მიზანი პანკისის ხეობაში კანონის უზენაესობის ხელშეწყობაა.
„გადაცემის მომზადების გარდა, რომლის მიზანიც ადამიანის უფლებათა საკითხებზე განათლებისა და ცნობიერების ამაღლების ხელშეწყობაა, პანკისის სათემო რადიოს ოფისში მოქალაქეებს შეეძლებათ მიიღონ უფასო იურიდიული დახმარება. ამასთან, სათემო რადიო გამოავლენს ადამიანის უფლებათა დარღვევის ფაქტებს, იურისტების ჩართულობით მოხდება სამართალდამცავი ორგანოების საქმიანობის მონიტორინგი და რეკომენდაციების მიწოდება. პროექტი ითვალისწინებს შეხვედრების გამართვას ეთნიკურ უმცირესობასა და სახელმწიფო ინსტიტუტებს შორის დიალოგის ხელშეწყობისათვის“, – ამბობს გელა მთივლიშვილი, პანკისის სათემო რადიოს დამფუძნებელი.
სათემო რადიოში ჟურნალისტური საქმიანობის გარდა მოხალისეების და სათემო აქტივისტების გადამზადებაზეც ზრუნავენ. პრეზიდენტის ადმინისტრაციის მხარდაჭერით, მარტიდან ივლისის ჩათვლით სათემო რადიოს ბაზაზე სასწავლო ცენტრი ფუნქციონირებდა, სადაც სხვადასხვა მიმართულებით 200–მდე ახალგაზრდამ პრაქტიკული უნარ – ჩვევები შეიძინა. კომპიუტერული პროგრამების და ბუღალტერიის კურსდამთავრებულებს სერტიფიკატები გადაეცათ.
სათემო რადიოს პრეზენტაციის პარალელურად „სამოქალაქო აქტივობების ცენტრის“ ორგანიზებით, პანკისის ხეობაში კიდევ რამდენიმე ღონისძიება გაიმართა. პრესტურის ფარგლებში ქართული და საერთაშორისო მედიის ჟურნალისტებს შესაძლებლობა მიეცათ ჯოყოლოს მეჩეთში მოესმინათ ტრადიციული რელიგიური საგალობელი, დაეთვალიერებინათ ხადორის ჩანჩქერი და საღამოს ქართული და ვაინახური ფოლკლორის ფესტივალს დასწრებოდნენ, რომელიც კულტურისა და ძეგლთა დაცვის სამინისტროს მხარდაჭერით გაიმართა. ფესტივალზე ერთმანეთს ენაცვლებოდნენ ქისტი, ხევსური, ფშაველი, დუშელი და საქართველოს სხვა კუთხეებიდან მოწვეული შემსრულებლები. ფესტივალი ვაინახური სამზარეულოს გაცნობით დასრულდა.
„წელს კულტურის სამინისტროს მხარდაჭერით პანკისის ხეობაში რამდენიმე საინტერესო ღონიძიება განხორციელდა. ჩვენი პრიორიტეტული მიმართულებაა პანკისში კულტურული თვითმყოფადობის განვითარებისა და ახალგაზრდების ჩართულობის მიზნით ღონისძიებების მხარდაჭერა. ამ ულამაზეს ადგილზე, ხადორში სწორედ ასეთი ფესტივალის ჩატარება, ვფიქრობ, რომ ახალგაზრდებისთვის კიდევ უფრო და უფრო მეტი სტიმულის მიმცემი იქნება და მომავალშიც საფუძველს უფრო ბევრ საინტერესო ინიციატივას ჩაუყრის“, – აღნიშნა ირინე საგანელიძემ, საქართველოს კულტურისა და ძეგლთა დაცვის სამინისტროს ხელოვნებისა და განათლების დეპარტამენტის დირექტორის მოადგილემ.
„ძალიან მომეწონა, აღფრთოვანებული ვარ. ამდენი ახალგაზრდა ერთად თავმოყრილი ამ ბოლო დროს არც მინახავს და ეს არის ყველაზე საყურადღებო“, – აღნიშნა პანკისში მცხოვრებმა ქალბატონმა.
პანკისის სათემო რადიო WAY გეგმავს, რომ ხადორში, ვაინახური და ქართული ფოლკლორის ფესტივალის ჩატარება ტრადიციად აქციოს.
მადლობას ვუხდით გოგა ჩანადირს ფოტოების მოწოდებისათვის
ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში ფოლკლორის ფესტივალი ხადორში
