საგანგებო სიტუაციების მართვის სამსახურის ინფორმაციით, სოფელ ხადორის მიმდებარედ, ხრამში გაურკვეველ ვითარებაში ჩავარდნილი 26 წლის მამაკაცის ცხედარი მაშველებმა ამოიყვანეს. ადგილზე მუშაობდა გურჯაანის, თელავისა და ახმეტის სახანძრო-სამაშველო განყოფილებების 20 მაშველი.

გრიგოლ ტყემალაძე ხადორის ხეობაში მეგობრებთან ერთად იმყოფებოდა. სავარაუდოდ, მას კლდიდან ფეხი დაუცდა და დაახლოებით 150 მეტრი სიმაღლიდან ხევში გადავარდა.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

გრიგოლ ტყემალაძემ 2017 წლის 10-11 ნოემბერს, შვედეთის ქალაქ ტორსჰელაში ADCC-ის ეგიდით ჭიდაობა გრეპლინგში გამართულ მსოფლიოს ჩემპიონატში ოქროს მედალი მოიპოვა.