რამადანის თვეში მორწმუნეები დაბინდებამდე არ ჭამენ და არ სვამენ, არ ეწევიან თამბაქოს, ღამით კი მსუბუქად ვახშმობენ და ვიდრე გათენდება, მანამდე საუზმობენ. მუსლიმები დღის საათებს უთმობენ შრომას, ლოცვას, ყურანის კითხვას და ქველმოქმედებას. ეს წესი ყველა მუსლიმმა უნდა დაიცვას, თუკი საგანგებო ვითარებაში არ იმყოფება. მარხვისგან გათავისუფლებული არიან ავადმყოფები, ბავშვები, მოგზაურები. ისინი, ვინც რამადანის დროს ვერ მარხულობენ, გაცდენილ დღეებს წლის სხვა პერიოდში მარხვით ან ქველმოქმედებით ანაზღაურებენ.

მარხვა მთავრდება დღესასწაულით, რომელსაც იდ ალ-ფიტრი ჰქვია. დღესასწაული რამადანის ბოლო დღეს იწყება და სამი დღე გრძელდება.

მოსახლეობის 2014 წლის საყოველთაო აღწერის შედეგების მიხედვით, საქართველოს მოსახლეობის 10,7 % მუსლიმია, რაც დაახლოებით 400 000 ადამიანია.  

პანკისის სათემო რადიო საქართველოში მცხოვრებ მუსლიმებს რამადანის დაწყებას ულოცავს, მშვიდობას, სულიერ და ფიზიკურ მხნეობასა და სიხარულს უსურვებს.