პანკისის ხეობაში მუშაობა დაიწყო წითელი ჯვრის მხარდაჭერის პროგრამამ

პანკისის ხეობაში მუშაობა დაიწყო წითელი ჯვრის მხარდაჭერის პროგრამამ

სამშაბათი, 13 სექტემბერი 2016 11:25

4169

დატოვე კომენტარი

პანკისის ხეობაში მუშაობა დაიწყო წითელი ჯვრის მხარდაჭერის პროგრამამ

პანკისის ხეობაში მუშაობა დაიწყო წითელი ჯვრის საერთაშორისო კომიტეტის "მხარდაჭერის პროგრამამ", რომელიც უგზო-უკვლოდ დაკარგული პირების ოჯახებისა და ნაღმზე აფეთქებისას დაზარალებული პირებისა და მათი ოჯახებისათვის დახმარების გაწევას ითვალისწინებს.

დახმარება გულისხმობს მათ თანადგომას იურიდიული, სოციალური, ფსიქოლოგიური და ეკონომიური კუთხით. საერთაშორისო წითელი ჯვარი ამ პროგრამას ახორციელებს ადგილობრივ პარტნიორ ორგანიზაციებთან ერთად. პანკისში პროგრამის პარტნიორია წამების მსხვერპლთა რეაბილიტაციის ქართული ცენტრი (GCRT).

ნაღმზე აფეთქების შედეგად დაზარალებულ ადამიანებს საერთაშორისო წითელი ჯვარი სთავაზობს ეკონომიური უსაფრთხოების პროგრამაში ჩართვას, რაც მათ საშუალებას მისცემს მიღებული გრანტით წამოიწყონ ან გააფართოვონ საკუთარი მცირე საოჯახო ბიზნესი.

სოფელ დუისში წითელმა ჯვარმა ჩაატარა საინფორმაციო ხასიათის შეხვედრა მოსახლეობასთან. მათ განემარტათ პროგრამის არსი, მიზანი და მასში ჩართვის კრიტერიუმები.

წითელი ჯვრის საერთაშორისო კომიტეტის დელეგაცია საქართველოში 1992 წლიდან მუშაობს და საკუთარი მანდატის ფარგლებში ეხმარება კონფლიქტების შედეგად დაზარალებულ მოსახლეობას.

წითელი ჯვრის მხარდაჭერის პროგრამა

გაიგეთ მეტი:

რადიო WAY

პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.