3509
21 სექტემბერს, პანკისის ხეობის სოფელ ჯოყოლოში, სახელმწიფო უწყებათაშორისი კომისიის გასვლითი სხდომა გაიმართება. სხდომას შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი გახსნის.
კომისიის სხდომა სოფელ ჯოყოლოს ადმინისტრაციის შენობაში 12:00 საათზე დაიწყება.
დღის წესრიგის მიხედვით, პანკისის ხეობაში არსებულ პრობლემებზე და აქტუალურ საკითხებთან დაკავშირებით უწყებათაშორისი კომისიის წევრებს ინფორმაციას მიაწვდიან პანკისის უხუცესთა კავშირის წარმომადგენლები, ახალგაზრდები, პედაგოგები, არასამთავრობო ორგანიზაციებისა და რეგიონული მედიის წარმომადგენლები, რის შემდეგაც დისკუსია გაიმართება.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
