• weather cur airplane

    თელავში უმცირესობების ჩართულობის გაუმჯობესების საბჭოს სხდომა გაიმართა

    კვირა, 02 დეკემბერი 2018 20:16 view 192
    თელავში უმცირესობების ჩართულობის გაუმჯობესების საბჭოს სხდომა გაიმართა

    თელავში, კახეთის გუბერნატორის სათათბირო ორგანოს - უმცირესობების სამოქალაქო ჩართულობის გაუმჯობესების საბჭოს მორიგი სხდომა გაიმართა. სხდომაში მუნიციპალიტეტების ხელმძღვანელ პირებთან ერთად, სხვადასხვა სამინისტროების, უმცირესობების საკითხებზე მომუშავე არასამთავრობო ორგანიზაციებისა და უმცირესობათა ჯგუფების წარმომადგენლები ესწრებოდნენ.

    „სამოქალაქო აქტივობების ცენტრის“ მხარდაჭერით, სხდომაში მონაწილეობა მიიღეს ეთნიკურმა ქისტებმა და ავარებმა.

    საბჭოს სხდომაზე, „სამოქალაქო აქტივობების ცენტრის“ პროექტების მენეჯერმა გელა მთივლიშვილმა, პანკისის სოფლებში მცხოვრები ახალგაზრდებისთვის, განსაკუთრებით კი ქალებისთვის პროფესიული განათლების მიღებასთან დაკავშირებულ პრობლემებზე ისაუბრა.

    უმცირესობების სამოქალაქო ჩართულობის გაუმჯობესების საბჭომ რეკომენდაცია მისცა ახმეტის მუნიციპალიტეტის მერს, 2019 წლის ბიუჯეტში გაითვალისწინონ შესაბამისი დაფინანსება, პანკისის სოფლებიდან ქვემო ალვნის პროფესიულ ცენტრამდე და პირიქით სტუდენტების ტრანსპორტირების უზრუნველსაყოფად. სხდომაზევე ახმეტის მუნიციპალიტეტის მერმა იოსებ ქარუმაშვილმა თანხმობა განაცხადა აღნიშნული პრობლემის მოგვარებაზე.

    გელა მთივლიშვილი, 24 სექტემბერს, თელავში გამართულ ანტიაზერბაიჯანულ აქციასაც გამოეხმაურა. მისი თქმით, სამწუხაროდ, ადგილობრივ ხელისუფლებას არ ჰქონია რეაქცია ანტიაზერბაიჯანულ განწყობებთან დაკავშირებით და არ გაემიჯნა აქციის მონაწილეების მხრიდან, ეთნიკური აზერბაიჯანელების მიმართ, მათი უფლებების დარღვევისკენ, ჩაგვრისკენ მიმართულ განცხადებებს.

    „სამოქალაქო აქტივობების ცენტრმა“ ყურადღება გაამახვილა პანკისის ხეობაში მცხოვრები ახალგაზრდების საზოგადოებრივ-პოლიტიკურ ცხოვრებაში მეტი ჩართულობის აუცილებლობაზე, ასევე ეთნიკური ავარების თემში არაფორმალური განათლების საჭიროებებზე.

    „საბჭოს სხდომის წარმართვაში აქტიურ მონაწილეობას იღებს არასამთავრობო სექტორი, რომელიც სწავლობს ეთნიკურ უმცირესობებში არსებულ პრობლემებს. სწორედ მათი მხრიდან დანახული პრობლემატიკის გარშემო გვაქვს მსჯელობა, რათა რეკომენდაციები გავუზიაროთ ადგილობრივ თვითმმართველობებს. როდესაც ეთნიკური უმცირესობების საკითხებზე ვმსჯელობთ, ინფრასტრუქტურის მოწესრიგების გარდა, აუცილებელი და მნიშვნელოვანია გავითვალისწინოთ მათი სოციალური, კულტურული და ეკონომიკური ინტეგრაცია“ - განაცხადა კახეთის გუბერნატორმა ირაკლი ქადაგიშვილმა.

    ეთნიკური უმცირესობების საბჭოს სხდომები კახეთის რეგიონში ეტაპობრივად იმართება და მასში მონაწილეობას რეგიონში მცხოვრები სხვადასხვა თემის წარმომადგენლები იღებენ.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    საქართველოს პრეზიდენტმა იზა ბექაური ღირსების ორდენით დააჯილდოვა

    საქართველოს პრეზიდენტმა გიორგი მარგველაშვილმა ჰუმანური იდეების დამკვიდრების, აქტიური საზოგადოებრივი და…

    გოგო ყარაჯალიდან, რომელიც თემში წესებს ცვლის

    ყარაჯალა დიდი სოფელია, ბოლო საპრეზიდენტო არჩევნებისთვის 6370 რეგისტრირებული ამომრჩევლით. წელს…

    პროექტის კოორდინატორის ვაკანსია ახმეტის მუნიციპალიტეტში

    ააიპ სამოქალაქო აქტივობების ცენტრი (CCA) აცხადებს ვაკანსიას პროექტის კოორდინატორის პოზიციაზე…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]