LIVE
5476 
„ეს არ არის სავალდებულო საგანი, არჩევითი იქნება და ამ სასწავლო წელს მხოლოდ მე-5 და მე-6 კლასებში შევიტანთ, რადგან სახელმძღვანელოების პრობლემა გვაქვს. სხვა კლასებშიც რომ დავამატოთ ჩეჩნური ენა, ბავშვები ისევ იმ წიგნებს ხომ არ გაივლიან? მომავალში თუ იქნება წიგნები, შეიძლება უფროს კლასებშიც დაემატოს“, - განუცხადა პანკისის სათემო რადიო „WAY“-ს ლილი სვიაკაურმა.
რაც შეეხება პედაგოგებს, მისი თქმით, კვალიფიკაციის ამაღლების მიზნით მასწავლებლები გადამზადდებიან.
„პედაგოგების დამატებით გადამზადება იგეგმება. ჩვენს სკოლაში მაგალითად ჩეჩნური ენის ორი პედაგოგია, ჩეჩნეთში აქვთ განათლება მიღებული. სხვა სკოლებს თითო მასწავლებელი ეყოლებათ“, - აღნიშნა დუისის სკოლის დირექტორმა.
პანკისის ხეობის სკოლებში ჩეჩნური ენის სწავლებას ხეობაში მცხოვრები ახალგაზრდების ნაწილი აქტიურად გასული წლიდან ითხოვდა.
„ჩეჩნური ენის სწავლება რომ დაიწყო ამაში დიდი წვლილი მიუძღვით უხუცესთა საბჭოს და ახალგაზრდებს. ეს აუცილებელია ჩვენთვის, რადგან ჩეჩნური ენა იუნესკოს მიერ აღიარებულია როგორ გადაშენების პირას მყოფი ერთ-ერთი ენა“, - აღნიშნა პანკისის ხეობაში მცხოვრებმა შენგელი ტოხოსაშვილმა.
რადიო „WAY“-ს ინფორმაციით, განათლებისა და მეცნიერების სამინისტრო პანკისის ხეობის სკოლებს მომავალი წლიდან ქართულ – ჩეჩნური სახელმძღვანელოებით უზრუნველყოფს.
ამ თემაზე მოისმინეთ პანკისის სათემო რადიო WAY - ის რეპორტიორის დიანა გაურგაშვილის სიუჟეტი:
