შეხვედრა ინგლისურ ენაზე გაიმართება, თუმცა იქნება სინქრონული თარგმანი ქართულად.

თომას გოლცი ასევე ისაუბრებს თავის ბოლდოროინდელ შეხვედრებზე საქართველოში მცხოვრებ რელიგიურ და ეთნიკურ უმცირესობებთან. შეხვედრა 18:30 საათზე დაიწყება.

თომას გოლცი 1954 წელს იაპონიაში დაიბადა, ხოლო ბავშვობა ჩრდილოეთ დაკოტას შტატში გაატარა. დაამთავრა ნიუ იორკის უნივერსიტეტის ახლო აღმოსავლეთის სწავლების მაგისტრატურის ფაკულტეტი. უკანასკნელ 15 წლის განმავლობაში ის ცხოვრობდა და მოღვაწეობდა თურქეთში და ცნობილი გახდა, როგორც ყარაბაღის კონფლიქტის, აფხაზეთის ომისა და ჩეჩნური კონფლიქტების კორესპონდენტი. ფლობს არაბულ, თურქულ, აზერბაიჯანულ და რუსულ ენებს. არის ავტორი წიგნებისა: აზერბაიჯანის დღიური (1998), ჩეჩნეთის დღიური (2003), საქართველოს დღიური (2006) და შექსპირის მკვლელობა (2006).