• weather cur horoscope

    პანკისში მკვლელობის ფაქტზე არბი ქავთარაშვილი და რამაზ ხანგოშვილი დააკავეს

    ორშაბათი, 02 დეკემბერი 2019 00:26 view 3010
    ფოტოზე - ერთ-ერთი დაკავებული არბი ქავთარაშვილი ფოტოზე - ერთ-ერთი დაკავებული არბი ქავთარაშვილი

    კახეთის პოლიციის დეპარტამენტის თანამშრომლებმა პანკისის ხეობის სოფელ საკობიანოში მომხდარი შეიარაღებული დაპირისპირებისას, 1982 წელს დაბადებული ვისო მუთოშვილის განზრახ მკვლელობის ფაქტზე 2 პირი დააკავეს. დაკავებულები არიან არბი ქავთარაშვილი და რამაზ ხანგოშვილი.

    შინაგან საქმეთა სამინისტროს ინფორმაციით, ამ ეტაპზე, საქმეზე გამოძიება გრძელდება სისხლის სამართლის კოდექსის 108-ე და 236-ე მუხლების კვალიფიკაციით, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. დანაშაული ისჯება თავისუფლების აღკვეთით ვადით შვიდიდან თხუთმეტ წლამდე.

    არბი ქავთარაშვილი მურად ქავთარაშვილის ძმის შვილია. მისივე ნათესავია რამაზ ხანგოშვილიც. სწორედ მურად ქავთარაშვილს ასახელებენ შეიარაღებული დაპირისპირების ორგანიზატორად და შეიარაღებული ჯგუფის ხელმძღვანელად მოკლული მუთოშვილის ახლობლები.

    „პანკისის ხეობაში ბოლო წლებში შეიარაღებული ბანდა დათარეშობს მურად ქავთარაშვილის ხელმძღვანელობით. ამ რაზმში გაერთიანებულები არიან სხვადასხვა გვარის წარმომადგენლები - ხანგოშვილები, დუიშვილები, ქავთარაშვილები, ალდამოვები. მინდა, ყველამ იცოდეს, ქავთარაშვილებსა და მუთოშვილებს შორის დაპირისპირება დაიწყო ჰესების ამბების შემდეგ. ამ შეიარაღებულმა დაჯგუფებამ დაიწყო თავდასხმები იმ აქტიურ პიროვნებებზე, რომლებიც ჰესის მშენებლობას ეწინააღმდეგებიან“

    განაცხადა „მთავარ არხთან“ ინტერვიუში ბელა მუთოშვილმა, სოფელ ჯოყოლოს მკვიდრმა და სოფლის საბავშვო ბაღის მენეჯერმა. ბელა მუთოშვილის შვილი, რუსლან მუთოშვილიც დაიჭრა საკობიანოში მომხდარი შეიარაღებული დაპირისპირებისას.

    საკობიანოში სროლის დროს ფეხში დაიჭრა მურად ქავთარაშვილიც. პანკისის მცხოვრებლები მას უკანონო შეიარაღებული ჯგუფის შექმნასა და დანაშაულის მომზადებაში ადანაშაულებენ.

    მურად ქავთარაშვილის სახელს უკავშირდება მიმდინარე წელს შენგელი ტოხოსაშვილზე, მახო და ზაურ მუთოშვილებზე განხორციელებული თავდასხმები. პანკისში ჰესების მშენებლობის წინააღმდეგ საპროტესტო აქციებში აქტიური მონაწილეობის გამო, ტოხოსაშვილს მანქანა დააჯახეს და ცემეს, მახო მუთოშვილსაც ფიზიკური შეურაცხყოფა მიაყენეს, ზაურ მუთოშვილს კი თავში იარაღის კონდახი ჩაარტყეს. არცერთ ფაქტზე პოლიციას გამოძიება არ დაუწყია.

    ხუთი შვილის მამა, 37 წლის ვისო მუთოშვილი 27 ნოემბერს, შუადღეს მოკლეს. შეიარაღებული ჯგუფის წევრები მუთოშვილებს თავს სოფელ საკობიანოს გადასახვევთან დაესხნენ. სროლა 20 წუთზე მეტხანს გაგრძელდა. პოლიციისა და სახელმწიფო უსაფრთხოების სამსახურის თანამშრომლების თვალწინ ჩაცხრილეს ერთი და დაჭრეს სამი ადამიანი. დანაშაულის აღსაკვეთად პოლიციამ არაფერი გააკეთა.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    მორის მაჩალიკაშვილი დამნაშავედ ცნეს და პატიმრობიდან გაათავისუფლეს

    თბილისის საქალაქო სასამართლომ მალხაზ მაჩალიკაშვილის ძმისშვილი მორის მაჩალიკაშვილი პატიმრობიდან გაათავისუფლა.…

    შსს პანკისში 200 თანამშრომელზე გათვლილ პოლიციის ახალ შენობას აშენებს

    შინაგან საქმეთა სამინისტრო ახმეტის მუნიციპალიტეტში, პანკისის ხეობის სოფელ ძიბახევში, ზუსტად…

    ქარტიის საბჭოს დასკვნით, მაჩალიკაშვილებზე «იმედის» სიუჟეტი მანიპულაციურია

    საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია „იმედის“ სიუჟეტი, რომელიც…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]