მისი თქმით, ყურანის მიხედვით, ნებისმიერი მათრობელა, რასაც ადამიანის გონება ნორმალური მდგომარეობიდან გამოჰყავს, აკრძალულია როგორც ალკოჰოლური სასმელის მიღება:

„ბალახი იქნება ეს თუ სხვა დამზადებული ნივთიერება, თუნდაც, დღეს ხეობაში რაც არსებობს, ასანთის ღეროს თავებზე რომ არის რაღაც გოგირდი, ან ბენზინის გამოყენებით რაც მზადდება. ტრადიციული ნარკოტიკული მიდგომები და წამლებიც კი აღარ შემორჩათ, არამედ სხვა ტაქტიკას მიადგნენ და ძალიან საზიანო გზები და ხერხები გამოიყენეს. ისინი მზად არიან რომ წუთიერი სიამოვნების გამო შესწირონ თავიანთი სხეულის ჯანმრთელობა.

სასმელი ათრობს ხომ? ესეც თავისებურად ათრობს. ამ დროს ადამიანის გონება ნორმალური მდგომარეობიდან გამოდის.

შეიძლება დღევანდელი ახალგაზრდების მიერ გამოყენებული ეს ნივთიერებები უფრო საზიანოც იყოს ტრადიციულ ნარკოტიკებთან შედარებით.

ადამიანის სიცოცხლის ხელყოფა ძალიან მაღალ დონეზეა აკრძალული ისლამში. ღმერთის უნდა ეშინოდეთ იმ ხალხს, წუთიერი სიამოვნების გამო ახალგაზრდებს რომ ღუპავენ, ყიდიან მაგალითად ნარკოტიკულ ნივთიერებებს, ან სხვა მეთოდებით უბიძგებენ ახალგაზრდობას და გზას აცდენენ“.

ზურაბ ქავთარაშვილი 2 წელია რაც პანკისის სალაფიტური თემის იმამია. ის 2003 წლიდან 2018 წლის ზაფხულამდე იორდანიაში ცხოვრობდა, სადაც სასულიერო განათლება მიიღო. იგი დოქტორანტია ყურანის განმარტების სფეროში.

ამ თემაზე:

ნარკოტიკები - პანკისის ახალი პრობლემა და უკონტროლოდ მიშვებული მძიმე ვითარება