პანკისის სათემო რადიომ პირველადი მონაცემები მოიპოვა პანკისის ხეობის 6 საარჩევნო უბნიდან. 

ომალოს 24-ე უბანზე რეგისტრირებული 821 ამომრჩევლიდან უბანზე მივიდა 304, რომელთაგან 270-მა პირმა ხმა მისცა ირაკლი ქადაგიშვილს, 17-მა გიორგი ბოტკოველს და 17 ხმა გაბათილდა. აღსანიშნავია, რომ 24-ე უბანი იყო ერთადერთი პანკისის ხეობის უბნებიდან, სადაც 31 ოქტომბერს, საპარლამენტო არჩევნების პირველ ტურში გაერთიანებული ოპოზიციის მაჟორიტარობის კანდიდატმა გიორგი ბოტკოველმა ხმების უმრავლესობა მოიპოვა. 

დუისის მე-5 საარჩევნო უბანზე რეგისტრირებული 1058 ამომრჩევლიდან უბნებზე მივიდა 455, რომელთაგან ირაკლი ქადაგიშვილს ხმა მისცა 422-მა ამომრჩეველმა, გიორგი ბოტკოველს- 19, გაბათილდა 14 ბიულეტენი. 

ხალაწნის მე-8 საარჩევნო უბანზე რეგისტრირებული 430 ამომრჩევლიდან არჩევნებში მონაწილეობდა 188, სადაც "ქართული ოცნების" კანდიდატმა მიიღო 177 ხმა, გაერთიანებული ოპოზიციის წარმომადგენელმა - 10, ხოლო 1 ხმა გაბათილდა. 

ჯოყოლოს 23-ე საარჩევნო უბანზე რეგისტრირებული 1316 ამომრჩევლიდან არჩევნებში მონაწილეობდა 366, რომელთაგან ირაკლი ქადაგიშვილს ხმა მისცა 284-მა ამომრჩეველმა, გიორგი ბოტკოველს მხარი დაუჭირა 42-მა ადამიანმა და გაბათილდა 40 ბიულეტენი. 

დუისის 26-ე უბანზე  რეგისტრირებული 1218 ამომრჩევლიდან უბანზე მივიდა 461, რომელთაგან ირაკლი ქადაგიშვილს მხარი დაუჭირა 432-მა ამომრჩეველმა, გიორგი ბოტკოველს 20-მა და გაბათილდა 9 ბიულეტენი. 

საკობიანოს 27-ე უბანზე რეგისტრირებული 1100 ამომრჩევლიდან არჩევნებში მონაწილეობა მიიღო 335-მა, რომელთაგან ირაკლი ქადაგიშვილს ხმა მისცა 287-მა ამომრჩეველმა, გიორგი ბოტკოველს - 38-მა და გაბათილდა 10 ბიულეტენი. 

20:00 საათისთვის, მე-10 მაჟორიტარულ ოლქში 154 საარჩევნო უბანი დაიხურა, სადაც 153 576 ამომრჩეველი იყო რეგისტრირებული.