• ახმეტაში მაჟორიტარული არჩევნების მეორე ტური გაიმართება

    კვირა, 09 ოქტომბერი 2016 15:25 view 4664
    ახმეტაში მაჟორიტარული არჩევნების მეორე ტური გაიმართება

    ახმეტა – თელავის საარჩევნო ოლქში 50 საარჩევნო უბნიდან ამ დროისთვის ყველა უბნის შედეგი დათვლილია. როგორც პანკისის სათემო რადიო WAY–ს საოლქო – საარჩევნო კომისიაში განუცხადეს, „ქართული ოცნების“ მაჟორიტარი დეპუტატობის კანდიდატს გელა სამხარაულს ხმების 46 % აქვს (11762 ხმა), „ნაციონალური მოძრაობის“ კანდიდატმა შაქრო ტერტერაშვილმა კი 32.27 % (8200 ხმა) მიიღო.

    კახეთში ერთადერთი ოლქი, სადაც მაჟორიტარულ არჩევნებში „ქართულმა ოცნებამ“ პირველივე ტურში გაიმარჯვა, სიღნაღი – დედოფლისწყაროა. 55.45 % მიიღო „ქართული ოცნების“ კანდიდატმა ირაკლი შიოლაშვილმა. მის კონკურენტს „ნაციონალური მოძრაობიდან“ ლევან ბეჟაშვილს ხმების 26.2 % აქვს.

    „ქართული ოცნების“ კანდიდატებიდან ერთ–ერთი ყველაზე დაბალი შედეგი (41%) თელავი – ყვარელის ოლქში ირაკლი სესიაშვილმა მიიღო. ის „ნაციონალური მოძრაობის“ კანდიდატს მხოლოდ 5%–ით უსწრებს. არადა, სესიაშვილმა გუშინ ღამითვე იზეიმა გამარჯვება, ვიდრე ოფიციალური შედეგები გახდებოდა ცნობილი და აცხადებდა, რომ კონკურენტთან შედარებით ოთხჯერ მეტი ხმა მიიღო.

    საგარეჯოს, გურჯაანის, ლაგოდეხი – ყვარელის, თელავი – ყვარელის და ახმეტა – თელავის საარჩევნო ოლქებში მაჟორიტარული არჩევნების მეორე ტური გაიმართება.

    მეორე ტურში გამარჯვებულად დეპუტატობის ის კანდიდატი ჩაითვლება, რომელიც ამომრჩეველთა უფრო მეტ ხმას მიიღებს. მეორე ტურის დანიშვნის შემთხვევაში, მისი გამართვის ბოლო ვადა 2 ნოემბერია.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]