ირაკლი კობახიძე 1978 წლის 25 სექტემბერს დაიბადა. 1995-2000 წლებში სწავლობდა თბილისის სახელმწიფო უნივერსიტეტში, 2002-2006 კი გერმანიაში, დიუსელდორფის უნივერსიტეტი, სადაც მიიღო სამართლის მაგისტრის, მოგვიანებით კი დოქტორის ხარისხი. 2014 წლიდან დღემდე არის თბილისის სახელმწიფო უნივერსიტეტის ასოცირებული პროფესორი. 2015 წლიდან „ქართული ოცნების“ აღმასრულებელი მდივანი და პოლიტიკური საბჭოს წევრია.

მე-9 მოწვევის პარლამენტმა კომიტეტების თავმჯდომარეებიც აირჩია. აგრარულ საკითხთა კომიტეტს ოთარ დანელია უხელმძღვანელებს, თავდაცვისა და უშიშროების კომიტეტის თავმჯდომარე ისევ ირაკლი სესიაშვილი იქნება.

განათლების, მეცნიერებისა და კულტურის კომიტეტის თავმჯდომარე - მარიამ ჯაში გახდა; გარემოს დაცვისა და ბუნებრივი რესურსების კომიტეტის თავმჯდომარე - კახა კუჭავა; დარგობრივი ეკონომიკისა და ეკონომიკური პოლიტიკის კომიტეტის თავმჯდომარე - რომან კაკულია; დიასპორისა და კავკასიის საკითხთა კომიტეტის თავმჯდომარე - ზვიად კვაჭანტირაძე; ევროპასთან ინტეგრაციის კომიტეტის თავმჯდომარე - თამარ ხულორდავა; იურიდიულ საკითხთა კომიტეტის თავმჯდომარე - ეკა ბესელია; რეგიონული პოლიტიკისა და თვითმმართველობის კომიტეტის თავმჯდომარე - გიორგი ლილუაშვილი; საგარეო ურთიერთობათა კომიტეტის თავმჯდომარე - სოფო ქაცარავა; საპროცედურო საკითხთა და წესების კომიტეტის თავმჯდომარე - გიორგი კახიანი; საფინანსო-საბიუჯეტო კომიტეტის თავმჯდომარე - ირაკლი კოვზანაძე; ჯანმრთელობის დაცვისა და სოციალურ საკითხთა კომიტეტის თავმჯდომარე - აკაკი ზოიძე; ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე - სოფო კილაძე; სპორტისა და ახალგაზადულ საქმეთა საპარლამენტო კომიტეტის თავმჯდომარე - მიხეილ ყაველაშვილი