როგორც პანკისის სათემო რადიოს ახმეტის საოლქო - საარჩევნო კომისიაში განუცხადეს, მერობის კანდიდატები არიან:

ნუკრი ბართიშვილი - ლეიბორისტული პარტიიდან, - ბიზნესმენი, საფეხბურთო სკოლების „კახეთი“, „ერთობა“ და „იბერია“ დირექტორი და მეწილე.

შაქრო ტერტერაშვილი - ნაციონალური მოძრაობიდან, კახეთის გუბერნატორის ადმინისტრაციის თვითმმართველობის ორგანოებზე ზედამხედველობის სამსახურის ყოფილი უფროსი;

იოსებ ქარუმაშვილი - ქართული ოცნებიდან, - ბიზნესმენი, ახმეტის საკრებულოს ფრაქცია „მაჟორიტარების“ თავმჯდომარე 2010-2014 წლებში;

ჯუმბერ შაშიაშვილი - გიორგი ვაშაძის პარტიიდან, - ფერმერი, კოოპერატივ „მოდი მნახე“–ს დირექტორი.

გელა ჭვრიტიძე - ბაქრაძე-უგულავა - ევროპული საქართველოდან. მუშაობდა შინაგან საქმეთა ორგანოებში.

თინათინ მოზაიძე - პატრიოტთა ალიანსიდან, - პარტიის ახმეტის ორგანიზაციის თავმჯდომარე;

ბიძინა გოგოლაშვილი - ტრადიციონალისტთა კავშირიდან. მის შესახებ ინფორმაცია ვერ მოვიძიეთ.

ირაკლი უჯირაული - ლორთქიფანიძე-კუკავა დემოკრატიული მოძრაობიდან, - ახმეტის საკრებულოს ფრაქციის „გაერთიანებული დემოკრატიული მოძრაობა“ თავმჯდომარე.

თვითმმართველობის არჩევნებისთვის ახმეტის საარჩევნო ოლქში 30 024 ამომრჩეველია რეგისტრირებული.

არჩევნებთან დაკავშირებით, პანკისის სათემო რადიო WAY მერობის და საკრებულოს წევრობის კანდიდატებს, წინასაარჩევნო დებატების რეჟიმში პირდაპირ ეთერს 10 ოქტომბრიდან დაუთმობს.