• weather cur horoscope

    ახმეტის მაჟორიტარმა პანკისში ახალგაზრდებთან შეხვედრაზე ჟურნალისტები არ დაუშვა

    ოთხშაბათი, 01 აგვისტო 2018 17:23 view 1159
    ახმეტის მაჟორიტარმა პანკისში ახალგაზრდებთან შეხვედრაზე ჟურნალისტები არ დაუშვა

    ახმეტა - თელავის მაჟორიტარმა დეპუტატმა გელა სამხარაულმა პანკისის ხეობაში ახალგაზრდებთან შეხვედრის დაწყებამდე ჟურნალისტებს დარბაზი დაატოვებინა.

    სამხარაულის განცხადებით, მას პანკისელ ახალგაზრდებთან საუბარი ხეობაში ბოლო დროს განვითარებულ მოვლენებთან დაკავშირებით, დახურულ ფორმატში სურდა. „არ მინდა შეხვედრის დროს პროვოკაციები. მედიასთან შემდეგ გავაკეთებ კომენტარს“, - აღნიშნა პარლამენტის წევრმა „რეგინფოსთან“ საუბარში.

    დარბაზიდან ჟურნალისტების გაყვანისას შეხვედრის მონაწილე არცერთ ახალგაზრდას სამხარაულის გადაწყვეტილება არ გაუპროტესტებია. ჟურნალისტები ითხოვდნენ, შეხვედრის მონაწილე ახალგაზრდებს ეთქვათ, მხარს უჭერდნენ თუ არა პარლამენტის წევრის მოთხოვნას, მედიას დარბაზი დაეტოვებინა, რაც მათ უპასუხოდ დატოვეს.

    შეხვედრაში ადგილობრივი ხელისუფლების წარმომადგენლებიც მონაწილეობენ. სამხარაულის დაჟინებულ მოთხოვნას, ჟურნალისტებს დარბაზი დეტოვებინათ, მხარი პანკისის სოფლებში ახმეტის მუნიციპალიტეტის მერის წარმომადგენლებმა დაუჭირეს.

    ახმეტის მაჟორიტარსა და პანკისელ ახალგაზრდებს შორის შეხვედრაზე საუბარი ხეობაში გასული წლის ბოლოს ჩატარებულ ანტიტერორისტულ სპეცოპერაციას, სპეცრაზმის მიერ 19 წლის თემირლან მაჩალიკაშვილის მოკვლას და ჰესების მშენებლობის საკითხებს შეეხება. პანკისელი ახალგაზრდები ახმეტის მაჟორიტარ დეპუტატთან შეხვედრას 7 თვის განმავლობაში ითხოვდნენ.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ახალი დეტალები პანკისში მომხდარი მკვლელობის საქმეზე

    პანკისის ხეობის სოფელ საკობიანოში მომხდარი შეიარაღებული დაპირისპირებისას 37 წლის ვისო…

    პანკისში მკვლელობის ფაქტზე არბი ქავთარაშვილი და რამაზ ხანგოშვილი დააკავეს

    კახეთის პოლიციის დეპარტამენტის თანამშრომლებმა პანკისის ხეობის სოფელ საკობიანოში მომხდარი შეიარაღებული…

    რა მოხდა მკვლელობის დღეს და მანამდე - სისხლიანი კონფლიქტი პანკისში

    მეხუთე დღეა, მუთოშვილების ოჯახში, ადრე დილიდან გვიან ღამემდე ხალხის ნაკადი…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]