• სალომე ზურაბიშვილმა პანკისის ხეობაში ყველა საარჩევნო უბანი მოიგო

    ხუთშაბათი, 29 ნოემბერი 2018 13:15 view 3433
    სალომე ზურაბიშვილმა პანკისის ხეობაში ყველა საარჩევნო უბანი მოიგო

    „ქართული ოცნების“ მიერ მხარდაჭერილმა საპრეზიდენტო კანდიდატმა სალომე ზურაბიშვილმა,არჩევნების მეორე ტურიპანკისის ხეობის ხუთივე საარჩევნო უბანზე მოიგო.

    სოფლების - ჯოყოლოს, ომალოსა და ხალაწნის, ასევე დუისის ორ საარჩევნო უბანზე სულ 4720 ამომრჩეველია რეგისტრირებული, საიდანაც არჩევნებში მონაწილეობა თითქმის ნახევარმა, ანუ 2353-მა მიიღო.

    N18 ახმეტის საარჩევნო ოლქის დუისის 26-ე საარჩევნო უბანზე სალომე ზურაბიშვილს ხმა 335-მა ამომრჩეველმა მისცა, „ნაციონალური მოძრაობის“ კანდიდატს გრიგოლ ვაშაძეს კი 173-მა. შემაჯამებელი ოქმის მიხედვით, ამ უბანზე 1189 ამომრჩეველია რეგისტრირებული, არჩევნებზე კი 562-მა მივიდა.

    დუისის მე-5 საარჩევნო უბანზე სალომე ზურაბიშვილმა 343 ხმა მიიღო, გრიგოლ ვაშაძემ 120. აღნიშნული უბნის ერთიან სიაში 1036 ამომრჩეველია რეგისტრირებული, საიდანაც არჩევნებზე ხმა 512-მა მისცა.

    ხალაწნის მე-8 საარჩევნო უბანზე სალომე ზურაბიშვილს 114 ხმა აქვს, გრიგოლ ვაშაძეს კი 86. ერთიან სიაში რეგისტრირებული 407 ამომრჩევლიდან არჩევნებში მონაწილეობა 214-მა მიიღო.

    ჯოყოლოს 23-ე საარჩევნო უბანზე სალომე ზურაბიშვილმა 413 ხმა დააგროვა, გრიგოლ ვაშაძემ 149. ამ უბანში 1299 ამომრჩეველია, არჩევნებში მონაწილეობა 616-მამიიღო.

    ომალოს 24-ე საარჩევნო უბანზე სალომე ზურაბიშვილს 277ხმა აქვს მიღებული, გრიგოლ ვაშაძეს - 160. ერთიან სიაში მყოფი 791 ამომრჩევლიდან, არჩევნებზე 449 მივიდა.        

    საპრეზიდენტო არჩევნების პირველ ტურში, სალომე ზურაბიშვილმა არჩევნები პანკისის ოთხ უბანზე მოიგო. გამონაკლისი სოფელ ომალოს უბანი იყო, სადაც მან 129 ხმა მოაგროვა, გრიგოლ ვაშაძემ კი 150. აღსანიშნავია, რომ პირველ ტურის შემდეგ, ამ უბანზე ამომრჩეველთა რაოდენობა 24-ით გაიზარდა.

    ცენტრალური საარჩევნო კომისიის მონაცემებით, საქართველოს პრეზიდენტის არჩევნების მეორე ტურის წინასწარი შედეგები შემდეგიაგრიგოლ ვაშაძე - 780 633 ხმა (40.48 %); სალომე ზურაბიშვილი 1 147 627 ხმა (59.52 %).

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • საგრანტო კონკურსები

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]