ტურიზმის ეროვნული ადმინისტრაციის მონაცემებით, გასულ წელს საქართველოში 5 მილიონი ტურისტული ვიზიტი განხორციელდა და ზრდამ წინა წლის ანალოგიურ პერიოდთან შედარებით 6.8% შეადგინა. საერთაშორისო მოგზაურობიდან შემოსული შემოსავალი 3.3 მილიარდი დოლარი (ზრდა +1.4%) იყო. 2020 წლის იანვარში საქართველოში 363 614 ტურისტული ვიზიტი განხორციელდა, რაც +18.9%-ით გაზრდილი მაჩვენებელი იყო წინა წელთან შედარებით.

კორონავირუსის პანდემიამ ყველაზე მძიმე დარტყმა ტურიზმს მიაყენა. საერთაშორისო სავალუტო ფონდის (IMF) პროგნოზით, მოსალოდნელია, რომ საქართველოში „ტურიზმის შოკი“ ხანგრძლივი იქნება და ტურიზმიდან მიღებული შემოსავლები 2019 წლის მაჩვენებელს მხოლოდ 2024 წლისთვის დაუბრუნდება.

რა გავლენა იქონია კოვიდპანდემიამ ტურიზმზე? როგორ შეცვალა პანკისის ხეობაში არსებული საოჯახო სასტუმროებისა და ტურისტებზე ორიენტირებული მცირე ბიზნესების საქმიანობა პანდემიამ? როგორ ცდილობენ ბიზნესები გადარჩენას? რა შეიძლება გაითვალისწინონ ტურიზმის სექტორში დასაქმებულებმა პანდემიის გამოწვევებთან გასამკლავებლად? როგორ შეიძლება ბიზნესის განვითარება ამ კრიზისულ პერიოდში და რა მიმართულებებს უნდა მიექცეს ყურადღება? არსებობს თუ არა გეგმა ტურიზმის სექტორის გადასარჩენად, რა პრობლემა გამოიკვეთა სახელმწიფო ანტიკრიზისული გეგმის შემუშავებისას და როგორ აფასებს ამ პროცესს არასამთავრობო სექტორი?

ამ საკითხებზე გადაცემაში „ფოკუსი“ საუბრობენ:

ნატალია ბახტაძე – საქართველოს ეკოტურიზმის ასოციაციის კონსულტანტი;

ლეილა აჭიშვილი – პანკისის ხეობის სოფელ ჯოყოლოში მდებრე საოჯახო სასტუმროს მეპატრონე;

შენგელი ტოხოსაშვილი – ქისტური ასკილის ლუდის „სტუმართ მასპინძლის“ საწარმოს დამფუძნებელი;

გადაცემის წამყვანია რამზან გორგიშვილი.