• ფოკუსი – სკოლის მასწავლებელთა ვაქცინაცია

    პარასკევი, 13 აგვისტო 2021 13:26 view 1376
    ფოკუსი – სკოლის მასწავლებელთა ვაქცინაცია

    ერთ თვეში ახალი სასწავლო წელი იწყება. იმ ფონზე, როცა უსაფრთხო სასკოლო გარემოს შესაქმნელად მასწავლებელთა აცრა მთავარი რეკომენდაციაა, ახმეტის მუნიციპალიტეტის სკოლების 726 თანამშრომლიდან 87-ია აცრილი. აქედან 70 მასწავლებელია.

    გადაცემა „ფოკუსის“ სტუმრები – დუისის საჯარო სკოლის დირექტორი ლილი სვიაკაური და ალერგოლოგ-იმუნოლოგი ბიძინა კულუმბეგოვი საუბრობენ ვაქცინაციაზე, ასევე იმ გარემოებებზე, რაც ამ პროცესს აბრკოლებს.

    სკოლების თანმშრომელთა შორის ვაქცინაციის მაჩვენებელი დაბალია ქვეყნის მასშტაბითაც. დაავადებათა კონტროლის ეროვნული ცენტრის 12 აგვისტოს სტატისტიკის მიხედვით, იმუნიზაციის დაწყების შემდეგ ქვეყანაში სრული ვაქცინაცია (ორივე დოზით აცრა) სკოლის პერსონალიდან მხოლოდ 407-მა ადამიანმა ჩაიტარა, ხოლო ერთჯერადად აცრილია 1308 ადამიანი.

    მაშინ, როდესაც პედაგოგებში ვაქცინაციის მაჩვენებელი მაღალი არ არის, ყოველდღიურად კორონავირუსის 5000-ზე მეტი ახალი შემთხვევა ვლინდება, 50-მდე ადამიანი კი იღუპება, რთულია თქმა, როგორ დაიწყება ახალი სასწავლო წელი – საკლასო ოთახებში თუ დისტანციურად.

    „სახელმწიფომ მიიღო უპასუხისმგებლო გადაწყვეტილება, როცა ყველანაირი რეგულაცია მოხსნა. ამიტომ, შექმნილ ვითარებაზე სრულ პასუხისმგებლოვას ვაკისრებ იმ ადამიანებს, რომელთაც ეს გადაწყვეტილება მიიღეს. ჩემი დამოკიდებულება ძალიან კატეგორიულია, რადგან მე არ ვემხრობიდი არც პირბადის ტარების რეგულაციის შემცირებას და მით უმეტეს, არც ღამით გადაადგილებაზე შეზღუდვის მოხსნას, არც იმას, რომ არსებულ რეგულაციებზე კონტროლი მოშლილია. რა იქნება შემოდგომაზე? – ამის პროგნოზის გაკეთება რთულია, თუმცა ეჭვი მეპარება, ამ რიტმით და პანდემიის გავრცელების ინერციით, ამ ქვეყანაში სკოლის აღდგენა მოხერხდეს. ალბათ, შერეული, ჰიბრიდული მოდელით იქნება სწავლა“, – ამბობს ბიძინა კულუმბეგოვი.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • საგრანტო კონკურსები

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]