ინფორმაციის თავისუფლებას საქართველოს კონსტიტუცია გამორჩეულ მნიშვნელობას ანიჭებს და დიდ ყურადღებას უთმობს. დემოკრატიული წესწყობილებისათვის დამახასიათებელია სახელმწიფოებრივი ინსტიტუტების საქმიანობის მაქსიმალური გამჭვირვალობა. თავისუფალი ინფორმაციის არსი ისაა, რომ ნებისმიერი სახის ინფორმაცია, თუ ისინი არ წარმოადგენენ საიდუმლო ინფორმაციას, ყველასთვის ხელმისაწვდომი უნდა იყოს.

ინფორმაციის მიღების უფლება არ არის აბსოლუტური უფლება. მისი შეზღუდვა დასაშვებია, თუ ეს გამოწვეულია ინფორმაციის მიმღები პირის, მესამე პირების, სახელმწიფოსა და საზოგადოების მაღალი ლეგიტიმური ინტერესებიდან გამომდინარე.

რა არის საჯარო ინფორმაცია? რომელი ორგანოები განეკუთვნება საჯარო დაწესებულებებს? როგორ უნდა მიმართოს მოქალაქემ დაწესებულებას საჯარო ინფორმაციის მისაღებად? დადგენილია თუ არა საჯარო ინფორმაციის მისაღებად რაიმე სახის საფასური? რა ვადებია დადგენილი საჯარო დაწესებულებებისთვის საჯარო ინფორმაციის გასაცემად? შეუძლია თუ არა მოქალაქეს გაასაჩივროს საჯარო ინფორმაციის გაცემაზე უარი?

სტუდიაში კითხვებს პასუხობს:

გელა შაშიაშვილი - იურისტი, სამოქალაქო აქტივობების ცენტრის ადამიანის უფლებების დაცვის მიმართულების ხელმძღვანელი.