• weather cur horoscope

    ჩემი უფლებები - ბინის და სხვა საცხოვრებლის ხელშეუხებლობა

    სამშაბათი, 29 ნოემბერი 2016 17:08 view 1925
    ჩემი უფლებები - ბინის და სხვა საცხოვრებლის ხელშეუხებლობა

    29 ნოემბრის ჩანაწერი (2016 წ) - საქართველოს კონსტიტუციის მე-20 მუხლით აღიარებულია, რომ ყოველი ადამიანის პირადი ცხოვრება, მათ შორის საცხოვრებელი და სამუშაო ადგილი ხელშეუხებელია. არავის არა აქვს უფლება შევიდეს საცხოვრებელ ბინაში ან სხვა მფლობელობაში მფლობელ პირთა ნების საწინააღმდეგოდ, აგრეთვე ჩაატაროს ჩხრეკა, თუ არ არსებობს სასამართლოს გადაწყვეტილება ან კანონით დადგენილი გადაუდებელი აუცილებლობა.

    ამ ძირითადი უფლების კონცეფცია სათავეს იღებს მე-18 საუკუნიდან. 1763 წელს ბრიტანეთის თემთა პალატაში გამოსვლისას ცნობილმა სახელმწიფო მოღვაწემ უილიამ პიტმა თქვა: „ღარიბთა შორის უღარიბესიც საკუთარ ქოხში უფლებამოსილია წინ აღუდგეს გვირგვინოსანთა ძალას და მთელს სამეფო არმიას. თვით ინგლისის მეფესაც არა აქვს უფლება გადააბიჯოს დანგრეული ქოხის ზღურბლსაც კი“.

    საქართველოს კონსტიტუციის მე-20 მუხლით აღიარებულ ძირითად უფლებებს განამტკიცებს არაერთი საერთაშორისო სამართლებრივი აქტი, - გაეროს ადამიანის უფლებათა საყოველთაო დეკლარაცია (1948 წ.), გაეროს პაქტი სამოქალაქო და პოლიტიკური უფლებების შესახებ (1966 წ.) და ადამიანის უფლებათა და ძირითად თავისუფლებათა დაცვის ევროპული კონვენცია (1950 წ.).

    საქართველოში ამ უფლების კონსტიტუციურ-სამართლებრივი განმტკიცება გაცილებით ადრე - 1921 წლის კონსტიტუციით მოხდა. აღსანიშნავია, რომ იგივე უფლებას ფორმალურად ითვალისწინებდა საბჭოთა საქართველოს 1937 და 1978 წლის კონსტიტუციებიც.

    რას ნიშნავს საცხოვრებელი ბინის ხელშეუხებლობა; რამდენად არის დასაშვები ამ უფლების შეზღუდვა სახელმწიფოს მხრიდან; ვის შეუძლია კერძო ბინაში შესვლა ჩხრეკისა თუ სხვა საგამოძიებო მოქმედების ჩასატარებლად და რა ლეგიტიმური საფუძვლებია საჭირო ამისთვის; რა უნდა ვიცოდეთ, რომ დავიცვათ ჩვენი საცხოვრებლის შეუვალობა; რა სასჯელს ითვალისწინებს კანონი საცხოვრებელი ადგილის უკანონო ხელყოფის შემთხვევაში.


    სტუდიაში კითხვებს პასუხობს:

    გელა შაშიაშვილი - იურისტი, სამოქალაქო აქტივობების ცენტრის ადამიანის უფლებების დაცვის მიმართულების ხელმძღვანელი.

     

    სიახლეები

    სოფელ ბირკიანში საცხოვრებელი სახლი დაიწვა

    პანკისის ხეობის სოფელ ბირკიანში ქუშანაშვილების საცხოვრებელი სახლი დაიწვა. ადგილობრივების თქმით,…

    ხელისუფლებამ პანკისში ინფრასტრუქტურული პროექტები შეაჩერა - უხუცესი

    პანკისის უხუცესთა კავშირის წევრი ხასო ხანგოშვილი აცხადებს, რომ ხელისუფლებამ პანკისის…

    პანკისის უხუცესთა კავშირი - არასდროს გვავიწყდება პატრიარქის მზრუნველობა ქისტებისადმი

    პანკისის უხუცესთა კავშირი განცხადებას ავრცელებს ბოლო დღეებში განვითარებულ მოვლენებთან და…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]