• weather cur horoscope

    ჩემი უფლებები - ქალის შრომითი უფლებები

    სამშაბათი, 19 დეკემბერი 2017 23:02 view 4622
    ჩემი უფლებები - ქალის შრომითი უფლებები

    19 დეკემბრის ჩანაწერი (2017 წელი) - საქართველოს შრომის კოდექსი ადგენს სპეციალურ რეგულაციებს ქალთა უფლებების დასაცავად. ზოგადი ანუ საერთო უფლებების გარდა, რომელიც ნებისმიერ დასაქმებულს გააჩნია, ამ კოდექსით ქალების მიმართ დამატებითი დამცავი ნორმებია დაწესებული.

    შრომის კოდექსი დამსაქმებელს აკისრებს ვალდებულებას, რომ მან უზრუნველყოს ორსული ქალის დაცვა ისეთი შრომისაგან, რომელიც საფრთხეს უქმნის მის ან ნაყოფის კეთილდღეობას, ფიზიკურ და ფსიქიკურ ჯანმრთელობას.

    აკრძალულია ორსულ ან მეძუძურ ქალთან შრომითი ხელშეკრულების დადება მძიმე, მავნე და საშიშპირობებიანი სამუშაოების შესასრულებლად.

    აკრძალულია ორსული ან ახალნამშობიარები ქალის ზეგანაკვეთურ სამუშაოზე დასაქმება მისი თანხმობის გარეშე.

    აკრძალულია ღამის სამუშაოზე (22 საათიდან 6 საათამდე) ორსული, ახალნამშობიარები ან მეძუძური ქალის დასაქმება, ხოლო 3 წლამდე ასაკის ბავშვის მომვლელის დასაქმება – მისი თანხმობის გარეშე.

    დასაქმებულს, რომელიც მეძუძური ქალია და კვებავს ერთ წლამდე ასაკის ბავშვს, მისი მოთხოვნის საფუძველზე ეძლევა დამატებითი შესვენება დღეში არანაკლებ 1 საათისა. ბავშვის კვებისათვის შესვენება ითვლება სამუშაო დროში და ანაზღაურდება.

    აკრძალულია დასაქმებული ქალის სამსახურიდან გათავისუფლება თავისი ორსულობის შესახებ დამსაქმებლისთვის შეტყობინებიდან შესაბამისი შვებულების მთელი პერიოდის განმავლობაში. გამონაკლისები დაიშვება მაშინ, თუკი გათავისუფლება ხდება ისეთი საფუძვლით, როგორიცაა: შრომითი ხელშეკრულების ვადის გასვლა; ხელშეკრულებით გათვალისწინებული სამუშაოს შესრულება; პირადი განცხადებით სამსახურიდან წასვლა; მხარეთა წერილობითი შეთანხმება; სასამართლოს განაჩენის ან გადაწყვეტილების ძალაში შესვლა, რომელიც შრომითი ურთიერთობის გაგრძელებას გამორიცხავს.

    საჯარო სამსახურში დასაქმებული მოხელე ქალი არ შეიძლება გათავისუფლდეს სამსახურიდან ორსულობის ან ბავშვის 3 წლის ასაკამდე აღზრდის პერიოდში საჯარო დაწესებულების რეორგანიზაციის ან/და მისი სხვა საჯარო დაწესებულებასთან შერწყმის ან მოხელის შეფასების შედეგების გამო.

    მოხელეს უფლება აქვს 1 წლამდე ასაკის ბავშვის აღზრდისათვის, აგრეთვე ორსულობის პერიოდში ისარგებლოს ნახევარ განაკვეთზე მუშაობის უფლებით.

    რას ნიშნავს შვებულება ორსულობის, მშობიარობისა და ბავშვის მოვლის გამო? რას გულისხმობს შვებულება ბავშვის მოვლის გამო, ვის შეიძლება მიეცეს იგი და რამდენი ხნით? რას ითვალისწინებს კანონმდებლობა შრომითი ხელშეკრულების უკანონოდ შეწყვეტის შემთხვევაში?

    გადაცემას უძღვება გელა შაშიაშვილი – იურისტი, სამოქალაქო აქტივობების ცენტრის ადამიანის უფლებების დაცვის მიმართულების ხელმძღვანელი.

    სიახლეები

    სოსო გოგაშვილი ვახტანგ გომელაურს ახალ ბრალდებებს უყენებს, პანკისის სპეცოპერაციაზეც

    სახელმწიფო უსაფრთხოების სამსახურის უფროსის ყოფილი მოადგილე სოსო გოგაშვილი, რომელიც ამჟამად…

    რუსეთმა ამერიკელი პატიმრების ზელიმხან ხანგოშვილის მკვლელში გაცვლა მოითხოვა - CNN

    რუსეთმა პატიმრობაში მყოფი ორი ამერიკელის გათავისუფლების სანაცვლოდ ზელიმხან ხანგოშვილის მკვლელობისთვის…

    რას ვაკეთებთ ჩვენ უკეთესი მომავლისთვის?!

    2022 წელს, კომპანია „ორიფლეიმი“ Financial Times-ის და Statista-ს მიერ დასახელდა…
  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]