ახალი ამბების გამოშვებას ნაზი დაქიშვილი უძღვება.

პანკისის სათემო რადიო WAY–ს ინფორმაციით, სირიაში კიდევ ერთი პანკისელი, სოფელ დუმასტურის მკვიდრი 18 წლის მუსლიმ კუშტანაშვილი დაიღუპა. ის სირიაში 2015 წლის აპრილში წავიდა, მაშინ 16 წლის იყო და ომალოს სკოლის მე-10 კლასში სწავლობდა.

ტერორიზმის ხელშეწყობის ბრალდებით დაკავებული, პანკისის ხეობის სოფელ ჯოყოლოს ყოფილი იმამი აიუფ ბორჩაშვილი, თბილისის საქალაქო სასამართლომ წარდგენილ ბრალდებაში სრულად ცნო დამნაშავედ და 14 წლით თავისუფლების აღკვეთა მიუსაჯა.