„მე პირველ ომში აქ არ ვიყავი, შვილიშვილი მყავდა ავად. მეორე ომში მოვედი. დიდიან-პატარიანად ყველა აქ იყო, მე რა დამტოვებდა სხვაგან? არ დავრჩებოდი. ჩვენ, ქისტები ერთი მუჭა ხალხი ვართ. ამდენ სპეცრაზმს აქ რა უნდოდა, უფროსი არა ჰყავდათ მაგათ? 18 წლის ბავშვი დაცხრილეს, სახლში, თავის საწოლში ტყვია შუბლში დაახალეს და წავიდნენ. რა უფლებით შემოვიდა სპეცრაზმი? იმდენი ჯარი რატომ შემოიყვანა გახარიამ?“- სოფელ ძიბახევში მცხოვრები ძანო მაჩალიკაშვილი, პანკისში, 2019 წლის 21 აპრილს, სამართალდამცავებსა და ადგილობრივ მოსახლეობას შორის მომხდარ შეტაკებას იხსენებს.

26 ოქტომბერს, სოფელ დუისში „პანკისის სახახლო კრება“ ხეობის მცხოვრებლებთან შეხვედრას გამართავს, სადაც ჰესების მშენებელი კომპანიის ახალ შეთავაზებებს განიხილავენ. შეხვედრა პოლიციის განყოფილების მიმდებარე ტერიტორიაზე 15:00 საათზე დაიწყება.

პანკისის ხეობაში, სოფელ ბირკიანში ჰიდროელექტროსადგურ „ხადორი 3“-ის მშენებლობის მოწინააღმდეგეებს შინაგან საქმეთა მინისტრის პირველი მოადგილე კახა საბანაძე შეხვდა.

„სახელმწიფო გადაწყვეტს, როგორ უნდა ვიმოქმედოთ. ჰესის მშენებლობისთვის კანონით დადგენილი ყველა პროცედურა ჩვენ გავლილი გვაქვს, საჯარო განხილვებიც გვქონდა და მოსახლეობასთან შეხვედრებიც, მშენებლობის ნებართვაც გვაქვს, მაგრამ დღეს, აგრესიული ფონისა და თანამშრომლების მიმართ მუქარების გამო, შეჩერებული გვაქვს სამუშაოები და ვერ ვახერხებთ ჰესის მშენებლობას. ველოდებით, როგორი გადაწყვეტილება იქნება მიღებული. ჩვენ მზად ვართ მშენებლობის გასაგრძელებლად. გავაგრძელებთ თუ არა, ეს საკითხი კომპანიის კომპეტენციას სცილდება“, - უთხრა პანკისის სათემო რადიო WAY-ს ჰესის მშენებელი კომპანიის, შპს „ალაზანი ენერჯის“ მესაკუთრე ლაშა იორდანიშვილმა.

„ჰესების მშენებლობის წინააღმდეგ პანკისში აქციის გამართვის შესახებ მე საქმის კურსში არ ვიყავი. პარასკევს, მეჩეთში, ლოცვის დროს, ერთ-ერთმა პირმა თქვა, ბირკიანში შეკრებააო. უხუცესთა კავშირი როცა რაიმე აქციას უერთდება, წევრები საკითხს ვიხილავთ და ისე ვიღებთ გადაწყვეტილებას. ამის დრო კი ფაქტობრივად აღარ იყო“, - უთხრა პანკისის სათემო რადიოს უხუცესთა კავშირის წევრმა ხასო ხანგოშვილმა.

ახმეტის მუნიციპალიტეტში, პანკისის ხეობის სოფელ ბირკიანში ჰიდროელექტროსადგური „ხადორი 3“-ის მშენებლობის შეჩერების მოთხოვნით ადგილობრივი მოსახლეობა დღეს საპროტესტო აქციას გამართავს. აქცია შუადღის ლოცვის შემდეგ, დაახლოებით 14:30 საათზე ბირკიანში გაიმართება.

კომპანია „ალაზანი ენერჯის“ მესაკუთრე ლაშა იორდანიშვილმა, რომელსაც მშენებლობის ნებართვა კი აქვს, მაგრამ რამდენიმე თვეა პანკისის ხეობაში მესამე ჰესის მშენებლობას ვერ იწყებს, ადგილობრივი მოსახლეობისგან თანხმობის მისაღებად შეთავაზება გაზარდა.

პანკისის ხეობაში, მდინარე ალაზანზე მესამე ჰიდროელექტროსადგურის (ხადორი 3) მშენებლობის საკითხზე ადგილობრივ მცხოვრებლებთან წინასწარ შეთანხმებას მიაღწიეს. კომპანია „ალაზანი ენერჯის“ მესაკუთრე, ლაშა იორდანიშვილი ვალდებულებას იღებს, ჰესის სამშენებლო სამუშაოებზე, თითქმის 1 წლით, 80-100 ადგილობრივი ახალგაზრდა დაასაქმოს. უფრო მეტი ვადით, ამდენივე ახალგაზრდის დასაქმებას დაპირდნენ პანკისელ უხუცესებსა და სალაფიტური თემის ლიდერებს „სამწყურისწყალი 2 ჰესის“ სამშენებლო სამუშაოებზეც. „სამწყურისწყალი 2 ჰესი“ მეოთხე ჰიდროელექტროსადური იქნება პანკისის ხეობაში.

„ეზოში მომდინარე რუში, სანიაღვრე არხშიც კი იყო თევზი. ბიჭები ანკესებით ალაზანზე რომ გავიდოდით, ერთ ადგილას ჩავჯდებოდით და საკმარის თევზს ვიჭერდით. რაც ეს ჰესები აშენდა, აღარც კალმახია და აღარც სხვა თევზი“, - ნუკრი მარგოშვილი 60 წლის არის. პანკისის ხეობის სოფელ დუისში ცხოვრობს. ბავშვობიდან თევზაობს.

პანკისის ხეობაში, მდინარე ალაზანზე მესამე ჰესის მშენებლობასთან დაკავშირებით შპს „ალაზანი ენერჯის“ ხელმძღვანელსა და ადგილობრივ მცხოვრებლებს შორის გამართული შეხვედრა უშედეგოდ დასრულდა. სოფელ ბირკიანში 5.4 მგვტ დადგმული სიმძლავრის ჰიდროელექტროსადგურის მშენებლობაზე გარემოს დაცვის სამინისტროს ეკოლოგიური ექსპერტიზის ნებართვა 2017 წლის 18 ოქტომბერს აქვს დამტკიცებული. კომპანიამ ჰესის ასაშენებლად ხეობაში სამშენებლო მასალები უკვე შეიტანა, მაგრამ მოსახლეობის ნაწილი მშენებლობის წინააღმდეგია.