• weather cur horoscope

    2-3 წელიწადში არ იქნება დასახლებული პუნქტი სადაც მაღალსიჩქარიანი ინტერნეტი არ იქნება - ქუმსიშვილი

    პარასკევი, 28 ოქტომბერი 2016 14:26 view 1876
    2-3 წელიწადში არ იქნება დასახლებული პუნქტი სადაც მაღალსიჩქარიანი ინტერნეტი არ იქნება - ქუმსიშვილი

    ეკონომიკისა და მდგრადი განვითარების მინისტრის დიმიტრი ქუმსიშვილის განცხადებით, ინტერნეტთან წვდომა როგორც დედაქალაქში, ისე რეგიონებში თანაბრად უნდა იყოს შესაძლებელი. ქუმსიშვილის თქმით, 2-3 წელიწადში ინტერნეტის პრობლემა საქართველოს ყველა დასახლებულ პუნქტში მოგვარდება.

    როგორც დიმიტრი ქუმსიშვილმა ბიზნესის ხელშეწყობის ახალი პროექტის „სტარტაპ მეგობრულის“ პრეზენტაციაზე განაცხადა, ინტერნეტიზაციის პროექტზე აქტიური მუშაობა მიმდინარეობს.

    „ჩვენ ქვეყანაში ორ-სამ წელიწადში არ იქნება დასახლებული პუნქტი, სადაც არ იქნება მაღალსიჩქარიანი ინტერნეტი. ჩვენი სამინისტროს ძირითადი ამოცანა არის ის, რომ ჩვენ მივიტანოთ ის შესაძლებლობები, რომელიც ყველასთვის თანაბარი უნდა იყოს. ყველა ადამიანს უნდა ჰქონდეს თანაბარი წვდომა ინტერნეტთან, როგორც თბილისში, ასევე რეგიონებში“, - განაცხადა ქუმსიშვილმა.

    დიმიტრი ქუმსიშვილმა ის პროექტები და პროგრამები მიმოიხილა, რომლებიც ხელისუფლებამ ინოვაციების, დამწყები ბიზნესის ხელშეწყობის მიზნით განახორციელა. მისი თქმით, დამწყები ბიზნესის, ინოვატორების ხელშესაწყობად პირველ რიგში სახელმწიფოს ხედვა აუმნიშვნელოვანესი.

    ქუმსიშვილის განცხადებით, ინოვაციების ხელშეწყობის კუთხით რამდენიმე საკანონმდებლო ინიციატივა განხორციელდა და ეს მომავალშიც გაგრძელდება.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    პანკისში «ხადორობა» ეთნიკური ქისტების გარეშე იზეიმეს

    პანკისის ხეობის სოფელ ხადორში, ახმეტის მუნიციპალიტეტის მერიის ორგანიზებით „ხადორობა 2019“…

    პანკისის შემთხვევა იყო განსაკუთრებული. გპირდებით, მოჰყვება თავისი შედეგები - გახარია

    „პანკისი იყო განსაკუთრებული შემთხვევა. პანკისი იყო სპონტანური აქცია, პანკისი იყო…

    «პანკისის სახალხო კრება» ხეობაში შარიათის განმტკიცებასთან კავშირს უარყოფს

    „პანკისის სახალხო კრება“ განცხადებას ავრცელებს სათემო რადიოს ეთერში, გადაცემაში „მე…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]