• ეთნიკური უმცირესობების კულტურის წარმოჩენა ჩვენთვის ძალიან მნიშვნელოვანია – ციხელაშვილი

    ორშაბათი, 06 ნოემბერი 2017 23:13 view 4699
    ეთნიკური უმცირესობების კულტურის წარმოჩენა ჩვენთვის ძალიან მნიშვნელოვანია – ციხელაშვილი

    „ჩვენთვის ძალიან მნიშვნელოვანია, რომ საქართველოში მცხოვრები თითოეული ეთნიკური ჯგუფის კულტურა და თვითმყოფადობა დაცული იყოს და მაქსიმალურად წარმოჩინდეს“, – ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა გორში განაცხადა, სადაც ვაინახური კულტურის კვირეულის გახსნას დაესწრო.

    „ქართველ და ქისტ ხალხს მეგობრობის, თანაცხოვრებისა და სიახლოვის საუკუნოვანი ტრადიცია აქვთ. ეს ურთიერთობები სამაგალითოა და დარწმუნებული ვარ მომავალში კიდევ უფრო განმტკიცდება.

    ის, რომ დღეს ჩვენ შიდა ქართლში ამ ღონისძიებას ვატარებთ, ალბათ სიმბოლურიც არის, რადგან ეს არის რეგიონი, რომელსაც ყველაზე მეტად ატყვია გადაუჭრელი კონფლიქტის იარა, სადაც მავთულხლართები გადის და რომელიც ასე ახლოა ცხინვალის რეგიონთან. ეს ჩვენი გზავნილიცაა მავთულხლართების მიღმა მცხოვრები მოსახლეობისთვის - ოსებისთვის, აფხაზებისთვის, რომ ჩვენ ვაშენებთ სახელმწიფოს, რომელიც ერთის მხრივ, მრავალფეროვნების მრავალსაუკუნოვან ტრადიციას ეფუძნება და მეორეს მხრივ, საუკეთესო ევროპულ სტანდარტებს უდებს საფუძველს იმისათვის, რომ თითოეული მოქალაქე თანასწორი იყოს. ამ მომავლის მშენებლობაში, რა თქმა უნდა, ჩვენ მონაწილეობას ვთავაზობთ. ესაა ერთადერთი გზა მომავლისკენ“, – განაცხადა სახელმწიფო მინისტრმა.

    ვაინახური კულტურის კვირეული გორის სასწავლო სახელმწიფო უნივერსიტეტში დღეს დაიწყო და 10 ნოემბერს დასრულდება.

    სახელმწიფო მინისტრის აპარატში აცხადებენ, რომ კვირეულის მიზანია სამოქალაქო ინტეგრაციის პროცესის ხელშეწყობა, კულტურის თვითმყოფადობის შემადგენელი ელემენტების – ენის, ტრადიციების, შემოქმედების ნიმუშებისა და კულტურული მემკვიდრეობის შენარჩუნება და განვითარება, ქართულ-ვაინახური ურთიერთობების განმტკიცება.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ხვრელების არსებობა რუსეთს ომის გახანგრძლივებაში ეხმარება - ინტერვიუ აშშ-ის ელჩთან

    „სახიფათო ნაბიჯია ურთიერთობების ნორმალიზების მცდელობა იმ ქვეყანასთან, რომელსაც არასოდეს შეუსრულებია…

    ბაზისბანკის მხარდაჭერით, აჭარა აგროჯგუფმა ლურჯი მოცვის ბაღები გააშენა

    ბაზისბანკი, როგორც ბიზნესის ერთ-ერთი უმსხვილესი დამფინანსებელი, აგრძელებს ადგილობრივი ბიზნესის განვითარების…

    ვიბრძოლებთ, რომ საქმე გამოძიებას დაუბრუნდეს - მაჩალიკაშვილი სტრასბურგის გადაწყვეტილებაზე

    „გადაწყვეტილებით ძალიან აღფრთოვანებული თუ არა, კმაყოფილი ვარ, რადგან ის ამბობს,…
  • საგრანტო კონკურსები

    კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]