• weather cur horoscope

    ტერორიზმის ხელშეწყობაში ბრალდებული 6 პირი სასამართლომ დამნაშავედ ცნო

    პარასკევი, 27 ივლისი 2018 21:26 view 2750
    ტერორიზმის ხელშეწყობაში ბრალდებული 6 პირი სასამართლომ დამნაშავედ ცნო

    თბილისის საქალაქო სასამართლომ ტერორისტულ საქმიანობაში დახმარებისთვის ბრალდებული ექვსი პირი დამნაშავედ ცნო. მოსამართლემ შოაიფ ბორზიევს 13 წლით თავისუფლების აღკვეთა მიუსაჯა, რამაზ მარგოშვილს 12 წლით, რუსლან ალდამოვს და ანატოლი ბერძენიშვილს 11 წლით, ხოლო ზურაბ იდოიძეს 10 წლით. 13 წლით პატიმრობა მიესაჯა ტერორისტული ორგანიზაციის წევრობისთვის ბრალდებულ რუსლან შავაძეს, რომელიც მიმალვაშია და მასზე ძებნაა გამოცხადებული.

    სასამართლოს განცხადებით, არსებითად განხილვის დახურულ სხდომებზე ბრალდებულებმა წარდგენილ ბრალდებებში თავი არ ცნეს დამნაშავედ, თუმცა საქმეში არსებული და პროცესებზე გამოკვლეულ მტკიცებულებათა ერთობლიობით, სასამართლომ დადასტურებულად მიიჩნია, ბრალდებულთა მხრიდან განსაკუთრებით მძიმე, მძიმე და ნაკლებად მძიმე კატეგორიის დანაშაულის ჩადენის ფაქტი.

    ადვოკატების თქმით, განაჩენს ზემდგომ ინსტანციაში გაასაჩივრებენ.

    „მიგვაჩნია, რომ ეს განაჩენი უკანონო და უსამართლოა, ვინაიდან ის ბრალი რაც წარდგენილი ჰქონდა ჩემი დაცვის ქვეშ მყოფს, არანაირად არ დასტურდებოდა. სხვა რამ, რაც გამოიკვეთა, უნდა გადაკვალიფიცირებულიყო და სხვა მუხლით უნდა გასამართლებულიყო შემდგომში“, - განაცხადა შოაიფ ბორზიევის ადვოკატმა იმედა ქარქაშაძემ.

    დღევანდელ პროცესზე შოაიფ ბორზიევმა დუმილი დაარღვია. მან უარყო ტერორისტული ორგანიზაციის წევრობა და მხოლოდ საზღვრის უკანონო კვეთა და ცეცხლსასროლი იარაღის უკანონო ტარება აღიარა.

    „ეს პოლიტიკური გადაწყვეტილებაა. არა მხოლოდ ჩემი დაცვის ქვეშ მყოფების, არამედ ყველა ბრალდებულის მიმართ გამოტანილი განაჩენი არის უკანონო. სპეცსამსახურების დანაშაულებრივი ქმედების გამო დაისაჯნენ ის პირები, ვინც დარბაზში ვიხილეთ“, - აღნიშნა ადვოკატმა ინგა ბოლოთაურმა.

    შოაიფ ბორზიევი, რომელიც რუსეთის მოქალაქეა, 2017 წლის 21 ნოემბერს, თბილისში, ბერი გაბრიელ სალოსის გამზირზე სპეცოპერაციის ჩატარებამდე დააკავეს. პროკურატურამ მას ბრალი წაუყენა უცხო ქვეყნის ტერორისტულ ორგანიზაციაში გაერთიანებასა და ტერორისტულ საქმიანობაში დახმარებისთვის, ასევე ცეცხლსასროლი იარაღის, საბრძოლო მასალის, ფეთქებადი ნივთიერების და ასაფეთქებელი მოწყობილობის ტერორისტული მიზნით, მართლსაწინააღმდეგო შეძენა, შენახვა ტარებისთვის.

    ოთხი პირი - ზურაბ გორნაკაშვილი, რუსლან ალდამოვი, რამაზ მარგოშვილი და ბადურ ჩოფანაშვილი კი 26 დეკემბერს, პანკისის ხეობასა და თბილისში ჩატარებული სპეცოპერაციების შედეგად დააკავეს.

    სახელმწიფო უსაფრთხოების სამსახურის ინფორმაციით, დაკავებული პირები დაკავშირებულები არიან ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული ახმედ ჩატაევის დაჯგუფების წევრებთან და იყვნენ მათი ხელშემწყობი პირები.

    9 იანვარს ახმეტაში დააკავეს ზურაბ იდოიძე. სუს-ის ინფორმაციით, იდოიძემ ზურაბ გორნაკაშვილთან ერთად ახმედ ჩატაევი და მისი დაჯგუფების წევრები თურქეთის ქალაქ ხოფაში, მათი დროებითი საცხოვრებელი ბინიდან მანქანით მიიყვანა თურქეთ-საქართველოს საზღვართან, კირნათი-მარადიდის მწვანე ზოლის მონაკვეთამდე.

    22 იანვარს სუს-მა ტერორიზმის ხელშეწყობის ბრალდებით კიდევ ერთი პირი - ანატოლი ბერძენიშვილი დააკავა. გამოძიების ინფორმაციით, დადგენილია, რომ ანატოლი ბერძენიშვილი ჩავიდა თურქეთში ახმედ ჩატაევის და მისი დაჯგუფების წევრების დასახმარებლად.

    რადიო WAY

    რადიო WAY

    პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.

    სიახლეები

    ახალი დეტალები პანკისში მომხდარი მკვლელობის საქმეზე

    პანკისის ხეობის სოფელ საკობიანოში მომხდარი შეიარაღებული დაპირისპირებისას 37 წლის ვისო…

    პანკისში მკვლელობის ფაქტზე არბი ქავთარაშვილი და რამაზ ხანგოშვილი დააკავეს

    კახეთის პოლიციის დეპარტამენტის თანამშრომლებმა პანკისის ხეობის სოფელ საკობიანოში მომხდარი შეიარაღებული…

    რა მოხდა მკვლელობის დღეს და მანამდე - სისხლიანი კონფლიქტი პანკისში

    მეხუთე დღეა, მუთოშვილების ოჯახში, ადრე დილიდან გვიან ღამემდე ხალხის ნაკადი…
  • პოპულარული

  • კონტაქტი

    • საქართველო, ახმეტა, პანკისი, დუისი.
    • 0 353 22 22 11
    • [email protected]