„ამ დროისთვის ვაზიანი – გომბორი – თელავის საავტომობილო გზაზე ყველა სახის ავტოტრანსპორტისთვის გზა თავისუფალია. მთიანი ადგილია და ყოველ წუთს შესაძლოა მდგომარეობა შეიცვალოს, რის გამოც მძღოლებს ვურჩევთ, მოძველებული ზაფხულის საბურავებით მოძრაობისგან თავი შეიკავონ“,- უთხრა კახეთის საინფორმაციო ცენტრს თელავის საგზაო სამმართველოს უფროსმა თამაზ აბდულაშვილმა.

გარემოს ეროვნული სააგენტოს ინფორმაციით, აღმოსავლეთ საქართველოში დღეს ზოგან მოთოვს, ჰაერის ტემპერატურა -1, +4 გრადუსი იქნება. ღამის საათებში ბარში ყინვებია მოსალოდნელი -2, -7 გრადუსის ფარგლებში.

25 ნოემბრიდან საქართველოს მთელ ტერიტორიაზე შედარებით დათბება და უნალექო ამინდი იქნება.