საინფორმაციო შეხვედრის თემა ევროპული ბაზრის შესაძლებლობები და ევროპაში ქართველი ფერმერებისა და მეწარმეების პროდუქციის ექსპორტია. საუბარი იქნება მესაქონლეობის, მეფუტკრეობის და სხვა სასოფლო-სამეურნეო დარგების პერსპექტივებზე.

შეხვედრაზე დასწრება შეუძლიათ ადგილობრივ ფერმერებს, მეწარმეებსა და სხვა დაინტერესებულ პირებს.

DCFTA საქართველოს ევროკავშირთან ასოცირების შესახებ შეთანხმების უმნიშვნელოვანესი ნაწილია, რადგან მოიცავს ევროკავშირთან ეკონომიკური ინტეგრაციის მექანიზმს და საქართველოსთვის ევროკავშირის შიდა ბაზარს ხსნის.

DCFTA გულისხხმობს როგორც საქონლით, ისე მომსახურებით ვაჭრობის ლიბერალიზაციას. გარდა ამისა, DCFTA მოიცავს ვაჭრობასთან დაკავშირებულ საკითხთა ფართო სპექტრს (სურსათის უვნებლობა, კონკურენციის პოლიტიკა, ინტელექტუალური საკუთრების დაცვა, ფინანსური მომსახურება და სხვა) და ითვალისწინებს ვაჭრობასთან დაკავშირებული საქართველოს კანონმდებლობის ეტაპობრივ დაახლოებას ევროკავშირის კანონმდებლობასთან.

DCFTA 2014 წლის 1 სექტემბრიდან ოფიციალურად ამოქმედდა.