გუშინ, პანკისის სათემო რადიომ გაავრცელა ინფორმაცია სირიაში სოფელ ომალოს მკვიდრის 31 წლის ლევან ტოხოსაშვილის, მისი მეუღლის 26 წლის ლეილა გაურგაშვილის და მათი შვილების გარდაცვალების შესახებ. სოფელ ომალოში ტოხოსაშვილების ოჯახში სამძიმარს ახლაც იღებენ.

გარდაცვლილთა ახლობლებმა პანკისის სათემო რადიო WAY–ს უთხრეს, რომ სირიიდან მიღებული ინფორმაციით, ტოხოსაშვილების ოჯახი დაბომბვაში მოჰყვა.

ლევან ტოხოსაშვილი ოჯახის წევრებთან ერთად საქართველოდან დაახლოებით 2 წლის წინ წავიდა. სირიაში ის თურქეთიდან გადავიდა.

დადასტურებული მონაცემებით, სირიაში საბრძოლო მოქმედებებს უკვე 26 პანკისელი ემსხვერპლა.