სირიაში საქართველოს კიდევ ერთი მოქალაქე, პანკისის ხეობის სოფელ დუმასტურის მკვიდრი, 25 წლის ამირან ბორჩაშვილი დაიღუპა. პანკისის სათემო რადიოს ინფორმაციით, ბორჩაშვილის ოჯახის წევრები სამძიმარს იღებენ.

სირიაში საქართველოს კიდევ ერთი მოქალაქის, 35 წლის რუსლან ტოხოსაშვილის გარდაცვალება დადასტურდა. რუსლან ტოხოსაშვილი ახმეტის მუნიციპალიტეტში, პანკისის ხეობის სოფელ ომალოში ცხოვრობდა. პანკისიდან სირიაში ის 2014 წელს წავიდა და „ისლამურ სახელმწიფოს“ შეუერთდა.

სირიაში, საქართველოს კიდევ ერთი მოქალაქე, 14 წლის მუხმად ფარეულიძე დაიღუპა. ფარეულიძეების ოჯახი სირიაში 2014 წელს წავიდა, მანამდე ისინი პანკისის ხეობის სოფელ ბირკიანში ცხოვრობდნენ. დღეს, დილიდან ბირკიანში ფარეულიძეების სახლში სამძიმარს იღებენ. ახლობლები ბავშვის გარდაცვალებას პაპას უსამძიმრებენ.

სირიაში პანკისის ხეობის სოფელ ჯოყოლოს მკვიდრი, 44 წლის ადამ (გურამ) გუმაშვილი დაიღუპა. ამის შესახებ გუმაშვილის ოჯახსა და ნათესავებს გარდაცვლილის ცოლმა დღეს, დილით, სირიიდან შეატყობინა. ჯოყოლოში, გუმაშვილის ოჯახში სამძიმარს იღებენ.

ოჯახის წევრებმა სირიაში 34 წლის აღაზა ბორჩაშვილის, მისი მეუღლის, 36 წლის კახა ტოხოსაშვილისა და მათი 8 წლის შვილის გარდაცვალება დაადასტურეს. ჯოყოლოსა და ბირკიანში სამძიმრის მიღება დღეს, დილიდან დაიწყეს.

სირიაში, ე.წ. „ისლამური სახელმწიფოს“ ყოფილი ლიდერის, თარხან ბათირაშვილის ძმა, 38 წლის თამაზ ბათირაშვილი დაიღუპა. თამაზ ბათირაშვილი პანკისის ხეობის სოფელ ბირკიანიდან იყო. ბათირაშვილების ოჯახში ნათესავები სამძიმრის სათქმელად მიდიან.

სირიაში, საქართველოს მოქალაქე, პანკისის ხეობის მკვიდრი, 1978 წლის 7 დეკემბერს დაბადებული გიორგი მარგოშვილი (იგივე ფეიზულა კუშტანაშვილი) დაიღუპა. ოჯახის წევრებმა მისი გარდაცვალება დაადასტურეს და სოფელ დუისში სამძიმარს იღებენ. გიორგი მარგოშვილს პანკისში მშობლები, ძმა და სამი შვილი დარჩა. მისი მეუღლეც სირიაშია.

პანკისის სათემო რადიო WAY–ს ინფორმაციით, სირიაში კიდევ ერთი პანკისელი, სოფელ დუმასტურის მკვიდრი 18 წლის მუსლიმ კუშტანაშვილი დაიღუპა. ის სირიაში 2015 წლის აპრილში წავიდა, მაშინ 16 წლის იყო და ომალოს სკოლის მე-10 კლასში სწავლობდა.

სირიაში, დაბომბვის შედეგად სავარაუდოდ, საქართველოს კიდევ რამდენიმე მოქალაქე დაიღუპა. პანკისის სათემო რადიო WAY-ს ინფორმაციით, ხეობაში ვრცელდება ცნობები პანკისიდან სირიაში წასული კიდევ სამი გოგონას, ერთ-ერთი გოგონას ქმრის და ოთხი ბავშვის გარდაცვალების შესახებ. ამ დროისთვის იმ პირთა ოჯახებში, ვისი გარდაცვალების თაობაზეც ინფორმაცია ვრცელდება, სამძიმარს ჯერ არ იღებენ.

პანკისის სათემო რადიო WAY–ს ინფორმაციით, სირიაში კიდევ ერთი პანკისელი, სოფელ ომალოს მკვიდრი 31 წლის ლევან ტოხოსაშვილი დაიღუპა ცოლთან და ოთხ მცირეწლოვან შვილთან ერთად. მისი მეუღლეც პანკისელია - 26 წლის ლეილა გაურგაშვილი. სოფელ ომალოში ტოხოსაშვილების ოჯახში, ასევე სოფელ დუისში გაურგაშვილების ოჯახში სამძიმარს იღებენ.