7525
პანკისის ხეობაში, სოფელ ჯოყოლოში შველი იპოვეს, რომელიც ბაწარის ნაკრძალში გაუშვეს. ჯოყოლოს მკვიდრის, ზელიმხან გუმაშვილის თქმით, მდინარე ალაზნის პირას შველი ძაღლებისგან გადაარჩინეს, რის შემდეგაც დაცული ტერიტორიების სააგენტოს დაუკავშირდნენ და ნაკრძალში გადაიყვანეს.
ბაწარის სახელმწიფო ნაკრძალი, რომელიც ბაწარა-ბაბანეურის დაცული ტერიტორიების შემადგენლობაშია, 1935 წელს დაარსდა და დაახლოებით 3000 ჰექტარს მოიცავს. ნაკრძალში შველი, კვერნა, წავი, დათვი, მაჩვი, არჩვი და სხვა ძუძუმწოვრები ბინადრობენ.
ბაწარის ნაკრძალი მკაცრი ბუნებრივი რეზერვატია, რაც იმას ნიშნავს, რომ იქ შესვლა ნებადართულია მხოლოდ საგანმანათლებლო, არამანიპულაციური სამეცნიერო კვლევისა და მონიტორინგის მიზნით.
პანკისის სათემო რადიო WAY – მაუწყებლობს პანკისის ხეობაში სიხშირეზე FM 101.1. სათემო რადიო არასამთავრობო ორგანიზაცია „სამოქალაქო აქტივობების ცენტრმა“ დააფუძნა.
LIVE
