„ხელისუფლების წინაშე ყოველწლიურად ვაყენებდით დუისსა და ზემო, ქვემო და შუა ხალაწნებს შორის ხიდის გაკეთების საკითხს. ეს ძალიან საჭირბოროტო იყო იმდენად რამდენადაც წყალდიდობამ ძალიან დიდი მსხვერპლი მოიტანა. ბევრი ადამიანი დაიღუპა საცალფეხო ხიდიდან გადავარდნილი. წელს პროექტი შედგა და გაკეთდა ხიდი, რომელიც საშვილიშვილოდ იდგება“, - უთხრა რადიო „ვეის“ ხასო ხანგოშვილმა.

2 მეტრი სიგანისა და დაახლოებით 100 მეტრი სიგრძის ხიდის მშენებლობისთვის ადგილობრივი და ცენტრალური ბიუჯეტიდან 177 115 ლარი გამოიყო. სამშენებლო სამუშაოებს კომპანია შპს „კონსტრუქციონ სერვისი“ აწარმოებდა.